كۇنى بۇرىن جاسالعان جوسپارلار ورىندالمايتىن ءتۇرى بار. سول سەبەپتى قارجى كوزى سەيىلدى. دەمالىس پەن تۋريزم يندۋسترياسى – ەكونوميكا سالاسىنىڭ ەڭ باستى تەتىكتەرىنىڭ ءبىرى. وبلىس جىل سايىن وسى سالادان 6 ميلليارد تەڭگەدەن استام كىرىس تاۋىپ كەلگەن. جازعى مەزگىلگە دايىندالاتىن 2 اي, ياعني, ءساۋىر مەن مامىر ايلارى تۇياق قىبىرلاتۋعا مۇمكىندىك بەرمەدى.
– تۋريستىك سالا كوپ زارداپ شەكتى. الايدا, دەنساۋلىق قاۋىپسىزدىگى ءبىرىنشى ورىندا. مامىر ايىنداعى قازاقستان-رەسەي ينفوتۋرى وتپەي قالدى. بۇل رەسەيمەن بىرىگىپ اتقارىلار باستى شارالاردىڭ ءبىرى ەدى. ءبىزدىڭ تۋريستەردىڭ 30 پروتسەنتى وسى ەلدەن كەلەدى, - دەيدى وبلىستىق تۋريزم جانە دەمالىس قاۋىمداستىعىنىڭ توراعاسى شىناربەك باتىرحانوۆ.
وبلىستىڭ باس سانيتارلىق دارىگەرىنىڭ مالىمدەۋىنە قاراعاندا, 25 مامىرعا دەيىن ءوڭىر احۋالى ءجىتى باقىلاۋعا الىنعان. ەگەر ىندەت سەيىلسە, تۋريزم نىساندارى اشىلا باستايدى. ونىڭ وزىندە قاۋىپسىزدىك شارالارى قاتاڭ ساقتالۋى ءتيىس.
قاۋىپسىزدىك تالاپتارىن بارىنشا ساقتاۋ بولەك ماسەلە دەيدى قوناق ءۇي قىزمەتكەرلەرى. بۇگىنگى كۇنى ولار تابىس كوزى مەن باعا ساياساتىنا قانشالىقتى اسەر ەتەتىندىگى جايلى تولعانىس ۇستىندە. سوندىقتان مەملەكەت تاراپىنان تۋريزم سالاسىنا قانداي دا ءبىر قولداۋ بولارىنا ءۇمىتتى.
