بۇل زاڭ جوباسىن ازىرلەۋ جانە قابىلداۋ پروتسەستەرىنىڭ ءوزى «حالىق ۇنىنە قۇلاق اساتىن مەملەكەت» تۇجىرىمداماسىنىڭ دالەلى. ونىمەن قوسا زاڭ جوباسىنىڭ لوگيكاسى قوعام قاجەتتىلىگىنە بايلانىستى وزگەرتىلمەك.
سەناتتاعى تالقىلاۋدان كەيىن باستاپقى ازىرلەنگەن زاڭ جوباسىنىڭ تەك اتاۋى عانا قالىپ, قۇجات تولىق وزگەرگەن. مۇنىڭ بارلىعى اتالعان زاڭ ازاماتتاردىڭ قولدانۋىنا جەڭىل ءارى ىڭعايلى بولۋى ءۇشىن جاسالىپ وتىر. سەناتورلار ءوز ۇسىنىستارىن جەتكىزىپ, زاڭ جوباسىنىڭ جەتىسپەيتىن تۇستارىن اتاپ كورسەتتى.
بۇل ءۇردىستى ەسكەرسەك, زاڭ جوباسىن قابىلداۋ پروتسەسىنىڭ سوزىلىپ كەتكەنى راس. دەموكراتيا دەگەنىمىز كەلىسۋ مەن پروتسەدۋرالار. كەلىسۋ مەن پروتسەدۋرالار كوپ بولعان سايىن زاڭ دا حالىق ءۇشىن بارىنشا ىڭعايلى بولا تۇسەدى. سوندىقتان ەگەر ىرىقتاندىرۋعا قاراي قانداي دا ءبىر وزگەرتۋلەر ەنگىزىلەتىن بولسا, ءبىز مۇنى قۇپتايمىز. ال ءدال قازىرگى ۋاقىتتا زاڭ جوباسى اقىلعا قونىمدى جانە حالىقارالىق ستاندارتتارعا ساي كەلەدى دەپ ايتا الامىز.
ەرلان سايىروۆ,
ەۋرازيالىق ينتەگراتسيا ينستيتۋتىنىڭ ديرەكتورى, ۇلتتىق قوعامدىق سەنىم كەڭەسىنىڭ مۇشەسى
