ەكونوميكا • 21 مامىر، 2020

ۇشاقپەن 1،6 ملن جولاۋشى تاسىمالداندى

7 رەت كورسەتىلدى

ستاتيستيكا كوميتەتىنىڭ دەرەگى بويىنشا، بيىلعى جىل­دىڭ العاشقى توقسانىندا اۋە كومپانيالارى تاسىمالداعان جولاۋشىلاردىڭ جالپى سانى 1 ملن 687 مىڭ ادام بولدى. بۇل كورسەتكىش وتكەن جىلدىڭ ساي­كەس كەزەڭىمەن سالىستىرعاندا 5،2%-عا كوپ.

الايدا ناۋرىز-ءساۋىر ايلارىندا جولاۋشىلار سانى 70%-عا قىسقاردى. 1 ساۋىردەن باستاپ توتەنشە جاعدايلار جونىندەگى مەملەكەتتىك كوميسسيانىڭ تاپسىرماسىن ورىنداۋ شەڭبەرىندە قازىرگە دەيىن 97 حالىقارالىق باعىت بويىنشا اپتاسىنا 440 رەيس نەمە­سە بارلىق حالىقارالىق ۇشۋلاردىڭ 99%-ى قىسقارتىلعان بولاتىن. 1 مامىردان باستاپ قانا ەل ىشىندەگى رەيس­تەر ءىشىنارا اشىلا باستادى.

ازاماتتىق اۆياتسيا سالاسى ساراپ­شىلارىنىڭ حابارلاۋىنشا، اۋە رەيستەرىنىڭ توقتاپ قالعانىنىڭ سالدارىنان وتاندىق اۋە كومپانيالارى­نىڭ تابىسى كۇرت ازايىپ كەتتى. بۇل كورسەتكىش ولاردىڭ جىلدىق تابىسىنا دا كەرى اسەر ەتەتىنى ءسوزسىز. «سامۇرىق-قازىنا» اق كولىك جانە لوگيستيكا جونىندەگى باسقارۋشى ديرەكتورى قانات الپىسباەۆ ايتقانداي، «ەير استانانىڭ» كىرىسى شامامەن 139،5 ملرد تەڭگەگە نەمەسە 33%-عا، «Qazaq Air» اق-نىڭ كىرىسى 6،2 ملرد تەڭگەگە نەمەسە 44%-عا تومەندەۋى مۇمكىن. جىل سوڭىنا دەيىنگى شىعىن كولەمى شامامەن 300 ملرد تەڭگەنى قۇرايدى دەگەن بولجام بار.

ازاماتتىق اۆياتسيا سالاسىندا شامامەن 20 مىڭ ادام جۇمىس ىستەيتى­نىن ايتا كەتەيىك. توتەنشە جاعدايعا قاراماستان، بۇل سالادا قىسقارتۋ بولعان جوق.

سوڭعى جاڭالىقتار

ۇقساس جاڭالىقتار