جامبىل وبلىسى اكىمىنىڭ ءبىرىنشى ورىنباسارى بەكبولات ورىنبەكوۆتىڭ ايتۋىنشا, جۇمىسسىزدىقتى قىسقارتۋ ماقساتىندا ءوڭىر اكىمدىگى «جۇمىسپەن قامتۋدىڭ جول كارتاسى» باعدارلاماسى شەڭبەرىندە جەرگىلىكتى ءونىم بەرۋشىلەردى بارىنشا تارتا وتىرىپ, 61,2 ميلليارد تەڭگەگە 831 جوبانى ىسكە اسىراتىن بولادى. بۇگىندە 95 نىساننىڭ قۇرىلىسى جۇرگىزىلۋدە. 9 نىسانعا قايتا جاڭعىرتۋ, 72 نىسانعا كۇردەلى, 395 نىسانعا اعىمدى جوندەۋ جانە ۇزىندىعى 741 شاقىرىم جولعا ورتاشا جوندەۋ جۇمىستارى جۇرگىزىلۋدە. قازىرگى كەزدە جۇمىستار باستالدى. وندا 19,6 مىڭ ۋاقىتشا, 1 مىڭنان اسا تۇراقتى جۇمىس ورنى قۇرىلادى. 1,3 ميلليارد تەڭگە سالىقتىق تۇسىمدەر كۇتىلۋدە. سونداي-اق قورداي اۋدانىندا ورىن العان جاعداي سالدارىن جويۋعا رەسپۋبليكا رەزەرۆىنەن قوسىمشا 2 ميلليارد تەڭگە بولىنگەن. وعان 498 ۋاقىتشا جۇمىس ورنى اشىلادى. بۇگىندە قورداي اۋدانىنىڭ قاراكەمەر, ماسانشى, سورتوبە, اۋقاتتى, بۇلار باتىر اۋىلدارىنداعى 96 كوشەنىڭ جولدارىن جوندەۋ جۇمىستارى باستالسا, قاراساي, قاراسۋ, اۋقاتتى اۋىلدارىنداعى 3 دەنساۋلىق ساقتاۋ نىسانى كۇردەلى جوندەۋدەن وتۋدە.
«اۋىل – ەل بەسىگى» جوباسىمەن قارالعان 7,4 ميلليارد تەڭگەگە 26 ەلدى مەكەندە 109 جوبا ىسكە اسىرىلادى, 1287 جۇمىس ورنى قۇرىلادى. 9 جاڭا الەۋمەتتىك نىسان بوي كوتەرىپ, اۋىل تۇرعىندارىنىڭ ءومىر ءسۇرۋ ساپاسى ارتادى. بارلىق الەۋمەتتىك مىندەتتەمەلەردى ورىنداۋ بويىنشا «ەڭبەك» باعدارلاماسىنا بولىنگەن 16,8 ميلليارد تەڭگەگە 33,2 مىڭ ادام جۇمىسپەن قامتۋدىڭ بەلسەندى شارالارىمەن قامتىلادى. 2 291 ادام وقۋمەن قامتىلسا, «جاپپاي كاسىپكەرلىكتى دامىتۋ» باعىتىندا 1326 كاسىپكەرگە 5,3 ميلليارد تەڭگە شاعىن نەسيە, 3346 ادامعا 1,8 ميلليارد تەڭگە گرانت بەرىلىپ, 1602 ادام بيزنەس-باستاۋمەن وقىتىلۋدا. 15,3 مىڭ ادام اقىلى قوعامدىق جۇمىسقا تارتىلاتىن بولسا, 1168 ادام الەۋمەتتىك جۇمىس ورىندارىنا, 4566 ادام جاستار پراكتيكاسىنا جولدانۋدا. وبلىستاعى 289 مىڭنان استام ادامعا 42500 تەڭگە الەۋمەتتىك تولەم تاعايىندالدى. 9433 وتباسىنا, ياعني 51462 ادامعا 1,5 ميلليارد تەڭگەگە اتاۋلى الەۋمەتتىك كومەك تاعايىندالىپ, ونىڭ ىشىندە 9130 وتباسىنا تولەندى. كەپىلدەندىرىلگەن الەۋمەتتىك توپتامامەن 1-6 جاستاعى 12,2 مىڭ بالاعا الەۋمەتتىك توپتامالار جەتكىزىلىپ, تاراتىلدى. 6-18 جاستاعى 19,1 مىڭ بالاعا 5647 تەڭگەنىڭ ازىق-ت ۇلىك-تۇرمىستىق جيىنتىق قۇرامى تولەندى. بۇل 108,1 ميلليون تەڭگەنى قۇرايدى», دەدى بەكبولات ورىنبەكوۆ. سونداي-اق ەلىمىزدە توتەنشە جاعداي جاريالانۋىنا وراي, 2 ايلىق ەسەپتىك كورسەتكىشتەن تومەن ەمەس مولشەردە 77,1 مىڭ ادامعا 429,3 ميلليون تەڭگە تولەنگەن. Nur Otan پارتياسى فيليالىمەن بىرلەسىپ «Birgemiz» قورىنان تاراز قالاسىنداعى حالىقتىڭ الەۋمەتتىك وسال توپتارى قاتارىنداعى 7 ساناتتاعى 16,8 مىڭ ادامعا 50 مىڭ تەڭگەدەن, بارلىعى 838,4 ميلليون تەڭگە كولەمىندە كومەك كورسەتىلگەن.
ء وز سوزىندە بەكبولات ورىنبەكوۆ 9 مامىر – جەڭىس كۇنىنە وراي وڭىردەگى 57 ۇلى وتان سوعىسىنىڭ ارداگەرى مەن سوعىس مۇگەدەكتەرىنە 1 ميلليون تەڭگەدەن بىرجولعى الەۋمەتتىك كومەك كورسەتىلىپ وتىرعانىن, 6813 ادامدى بىرجولعى الەۋمەتتىك كومەكپەن قامتۋ ءۇشىن 500 ميلليون تەڭگە قاراستىرىلعانىن جەتكىزدى. «مەملەكەت باسشىسىنىڭ تاپسىرماسىن ورىنداۋ ماقساتىندا وبلىستاعى باسىم ەمەس بيۋدجەت شىعىستارى 2,5 ميلليارد تەڭگەگە وڭتايلاندىرىلدى. «ورىن العان توتەنشە جاعدايعا بايلانىستى جەرگىلىكتى اتقارۋشى ورگانداردىڭ رەزەرۆiن 10 پايىزعا دەيىن ۇلعايتۋ» ءۇشىن وبلىس رەزەرۆى 2 ميلليارد تەڭگەگە دەيىن ۇلعايتىلدى. ەكونوميكانى تۇراقتاندىرۋ ماقساتىندا وبلىستا سالىقتىق ىنتالاندىرۋ توپتاماسى جۇزەگە اسىرىلۋدا.
اعىمداعى جىلدىڭ 1 ساۋىرىنەن 1 قازانعا دەيىن 1674 شاعىن جانە ورتا بيزنەس سۋبەكتىلەرى سالىقتان جانە ەڭبەكاقى تولەۋ قورىنان الىناتىن الەۋمەتتىك تولەمدەردەن بوساتىلدى. جالپى سالىقتىق ىنتالاندىرۋ ناتيجەسىندە وبلىس بيۋدجەتىنىڭ كىرىسى كەمىگەلى وتىر. جەرگىلىكتى بيۋدجەت كىرىسىن تولىقتىرۋعا رەسپۋبليكادان 5,6 ميلليارد تەڭگە قاراستىرىلدى. «2020-2022 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ 2020 جىلعى 08 ساۋىردەگى №299-VI زاڭىنىڭ نەگىزىندە جامبىل وبلىسىنا رەسپۋبليكالىق بيۋدجەتتەن قوسىمشا 41 946,1 ميلليون تەڭگە ترانسفەرتتەر قاراستىرىلدى. بيزنەستى قولداۋ باعىتىنداعى «بيزنەستىڭ جول كارتاسى» باعدارلاماسى اياسىندا پايىزدىق مولشەرلەمەنى سۋبسيديالاۋعا 2 ميلليارد تەڭگە, شاعىن جانە ورتا بيزنەسكە كرەديتتەردى ءىشىنارا كەپىلدەندىرۋگە 778,6 ميلليون تەڭگە, گرانتقا 171 ميلليون تەڭگە ءبولىندى. كاسىپكەرلەردىڭ ينفراقۇرىلىمىن دامىتۋ ءۇشىن 5 جوباعا 218 ميلليون تەڭگە ءبولىندى. بۇدان 16,4 مىڭ جۇمىس ورنى ساقتالادى. «قاراپايىم زاتتار ەكونوميكاسىن» ىسكە اسىرۋدا 68,2 ميلليارد تەڭگەگە 91 جوبا ماقۇلداندى. 5234 جۇمىس ورنى قۇرىلادى», دەدى ول.
جالپى, اۋىلشارۋاشىلىق سالاسىن قولداۋ ماقساتىندا 20 ميلليارد تەڭگەدەن اسا ءارتۇرلى باعىتتا سۋبسيديالار قاراستىرىلعان. باعانى تۇراقتاندىرۋ ماقساتىندا الەۋمەتتىك ماڭىزى بار ازىق-ت ۇلىك تاۋارلارىن ساتىپ الۋعا وبلىستان 220 ميلليون تەڭگە بولىنگەن. كوكتەمگى ەگىس جۇمىستارى ءوز قارقىنىمەن جۇرۋدە. ال حالىقتىڭ تابىسىن ارتتىرۋ جونىندەگى قاناتقاقتى جوبا دا ءوڭىر ەكونوميكاسىنىڭ وسۋىنە ءوزىنىڭ وڭ اسەرىن تيگىزۋدە. بولىنگەن 7,2 ميلليارد تەڭگەگە 2489 ءوتىنىم قارجىلاندىرىلىپ, تولىق يگەرىلگەن. ونىڭ 1 ميلليارد تەڭگەسىنە 192 بىرلىك تەحنيكا ساتىپ الىنسا, 11 اۋىلدىق وكرۋگتە كووپەراتيۆتەر قۇرىلىپ, ءۇي ىرگەسىندەگى جەردى ءتيىمدى پايدالانۋعا 125,9 ميلليون تەڭگە جانە پاي جەرلەردى پايدالانۋعا 230,1 ميلليون تەڭگە بولىنگەن.
«وعان تۇقىم, تىڭايتقىشتار, حيميالىق قورعاۋ زاتتارى الىندى, 16 جىلىجاي سالىندى. 6,9 ميلليارد تەڭگەگە 44,9 مىڭ مال باسى جانە مال ازىعى ساتىپ الىندى. 64,7 ميلليون تەڭگەگە 12 جوبادا اۋىل تۇرعىندارىنىڭ جەكە شاعىن كاسىبى اشىلدى. ناتيجەسىندە, 8 مىڭنان اسا وتباسىنىڭ تابىسى قوسىمشا 156 مىڭ تەڭگەگە ارتادى. اۋىل شارۋاشىلىعى ءونىمىنىڭ كولەمى 2 ەسەگە وسەدى جانە 2459 ءوزىن ءوزى جۇمىسپەن قامتىعاندار مەن جۇمىسسىزدار جەكە كاسىپكەر رەتىندە تىركەلەتىن بولادى. مەملەكەتتىك باعدارلامالار شەگىندە بولىنگەن قارجى دا ەكونوميكانىڭ وسۋىنە اسەرىن تيگىزۋدە. «نۇرلى جول» باعدارلاماسى اياسىندا 8,9 ميلليارد تەڭگەگە 23 جوبا ىسكە اسىرىلىپ باستادى, 990 ادام جۇمىسپەن قامتىلادى. 34,9 ميلليون تەڭگە سالىق ءتۇسىمى كۇتىلۋدە. «نۇرلى جەر» باعدارلاماسى اياسىندا 26,4 ميلليارد تەڭگەگە 151 جوبا ىسكە اسىرىلىپ, 3326 ادام جۇمىسپەن قامتىلىپ, 161,7 ميلليون تەڭگە سالىق تۇسەدى. «جامبىل وبلىسىن دامىتۋ» باعدارلاماسى اياسىندا 20,8 ميلليارد تەڭگەگە 84 جوبا ىسكە اسىرىلىپ, 1384 ادام جۇمىسپەن قامتىلادى, 61,6 ميلليون تەڭگە سالىق تۇسەدى. اتالعان شارالاردى اتقارۋ ناتيجەسىندە وبلىستا جالپى 58,7 مىڭ ادام بەلسەندى شارالارمەن قامتىلىپ, ونىڭ 52,5 مىڭى جۇمىسپەن قامتىلادى. 22,7 مىڭ ادام تۇراقتى جۇمىسقا ورنالاساتىن بولادى. 85 پايىزدان اسا, جەرگىلىكتى 153 كاسىپورىنمەن وندىرىلەتىن قۇرىلىس ماتەريالدارى پايدالانىلاتىن بولادى. جۇمىستارعا بارىنشا جەرگىلىكتى مەردىگەرلەر تارتىلۋدا», دەدى بەكبولات ورىنبەكوۆ.
سونداي-اق ول ينۆەستيتسيا, قۇرىلىس جۇمىستارىنىڭ, پايدالانۋعا بەرىلەتىن تۇرعىن ءۇي كولەمىنىڭ ارتاتىنىن, جالپى 4,4 ميلليارد تەڭگە كولەمىندە سالىقتىق تۇسىمدەردىڭ ءتۇسۋى كۇتىلۋدە ەكەنىن, وبلىستاعى ءوزىن ءوزى جۇمىسپەن قامتىعاندار 32,2 پايىزدان 29,7 پايىزعا, ناتيجەسىز جۇمىسپەن قامتىعاندار 4,3 پايىزدان 4 پايىزعا تومەندەيتىنىن جەتكىزدى.
جامبىل وبلىسى
