ءىس-شارا ماشينا جاساۋ سالاسىنداعى ەكى جاقتى ىنتىماقتاستىقتى دامىتۋعا, سونداي-اق پرەزيدەنت قاسىم-جومارت توقاەۆتىڭ 2019 جىلمەن 2020 جىلدىڭ باسىندا گفر-عا ساپارى اياسىندا گەرمان بيزنەسىمەن كەزدەسۋى بارىسىندا قول جەتكىزىلگەن ۋاعدالاستىقتاردى ءىس جۇزىندە جۇزەگە اسىرۋعا ارنالدى.
«قازاقستان ەكونوميكاسىنىڭ ءوزىن-ءوزى قامتاماسىز ەتۋىنە جانە قولدا بار قۋاتتى شيكىزات بازاسى نەگىزىندە يندۋستريالىق ونەركاسىپتە جاڭا وندىرىستەردى دامىتۋعا ەرەكشە كوڭىل بولىنەتىن بولادى. وڭدەۋشى ونەركاسىپكە باستى نازار اۋدارا وتىرىپ, ارتاراپتاندىرىلعان ەكونوميكا قۇرۋ ءبىزدىڭ ەكونوميكامىزدىڭ دامۋىنىڭ ەرەكشە باسىمدىعى», - دەدى رومان سكليار.
گەرمانيا ەكونوميكاسى شىعىس كوميتەتىنىڭ باسقارۋشى ديرەكتورى م. حارمس قازاقستان مەن گەرمانيا اراسىنداعى جان-جاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋدىڭ ماڭىزدىلىعىن اتاپ ءوتىپ, داعدارىستىڭ گفر ونەركاسىپ سالاسىنا تەرىس اسەرىن ازايتۋ جونىندەگى شارالار تۋرالى حابارلادى.
ونلاين-كەزدەسۋ بارىسىندا «قمجو» زتب باسقارما توراعاسى مەيرام پىشەمباەۆ گەرمانيا كاپيتالى بار كومپانيالاردى قوسا العاندا, ەلىمىزدەگى 40 ماشيناجاساۋ كاسىپورنى بار بيزنەس-قاۋىمداستىقتىڭ قىزمەتى تۋرالى ايتتى. ءوز سوزىندە ول قازاقستاندا ماشيناجاساۋ سالاسىن دامىتۋدىڭ پەرسپەكتيۆالارىنا, 2019-2024 جىلدارعا ارنالعان جول كارتاسىن ىسكە اسىرۋعا جانە ونەركاسىپتى دامىتۋ قورىن قۇرۋعا ەرەكشە نازار اۋداردى.
ۆەب-كونفەرەنتسيانىڭ سوڭىندا پىكىرتالاس ءوتتىپ, ونىڭ بارىسىندا قاتىسۋشىلار ساۋدا-ەكونوميكالىق بايلانىستاردى جانداندىرۋ تۋرالى ءسوز ەتتى, بىرقاتار پراكتيكالىق ماسەلەلەردى تالقىلاپ, بولاشاقتا وسىنداي كەزدەسۋلەردى جۇيەلى تۇردە وتكىزۋدى جالعاستىرۋعا كەلىستى.
