«ۇلتتىق بىرىڭعاي تەستىلەۋ بەلگىلەنگەن مەرزىمدە, ماۋسىمنىڭ سوڭى مەن شىلدەنىڭ باسى ارالىعىندا وتەدى دەپ جوسپارلانۋدا. قازىر دايىندىق جۇمىستارى قارقىندى ءجۇرىپ جاتىر. الداعى اپتانىڭ سەيسەنبىسىندە وتەتىن اپپارات كەڭەسىندە ۇبت-عا دايىندىق تاقىرىبىن تالقىلايمىز. ۇبت-نى وتكىزۋ كەزىندە سانيتارلىق تالاپتار مەن سانيتارلىق-ەپيدەميولوگيالىق شارالاردى كۇشەيتۋگە نازار اۋدارىلادى. اراقاشىقتىقتى ساقتاۋ ماقساتىندا ۇبت تاپسىرۋ كەزىندە اۋديتورياداعى ادامدار سانى بارىنشا قىسقارتىلادى», - دەدى اسحات ايماعامبەتوۆ.
ءمينيستردىڭ ايتۋىنشا, ۇبت كەزىندە ماسكا, رەسپيراتورلار تاعۋ مىندەتتەلەدى. سونىمەن قاتار, اۋديتوريانى جەلدەتۋ جۇمىستارى ىسكە اسىرىلادى.
