«قاشىقتان وقىتۋ بويىنشا ءتيىستى كۋرستاردى وتكىزەتىن بولامىز. ونداي كۋرستار دايىندالىپ جاتىر. باعدارلاماداردىڭ بىرنەشە نۇسقالارىن قاراپ شىقتىم. بۇل تۇرعىدا ءتيىستى جۇمىستاردى اتقارۋدامىز. وسى باعىتتا جان-جاقتى بولۋعا ەكپىن قويىلادى, ونىڭ ىشىندە IT-كومپەتەنتسيالار, بالالاردى وقىتۋ ادىستەرى قامتىلادى. ياعني, قاشىقتان وقىتۋ جۇيەسى ارقىلى ءبىلىم بەرۋ مەن جۇمىس ىستەۋدىڭ ءمان-جايىنا باسىمدىق بەرىلەدى», - دەدى اسحات ايماعامبەتوۆ.
ءمينيستردىڭ ايتۋىنشا, بۇل كومپەتەنتسيالار ارنايى كۋرستاردا قامتىلادى. كەيىنىرەك ونىڭ بارلىعى كاسىبي بىلىكتىلىكتى ارتتىرۋ اياسىندا پەداگوگتارعا وقىتىلادى.
«قاشىقتان وقىتۋ بويىنشا رەكتورلارعا مىندەتتى ءمودۋلدى ەنگىزەتىنىمىزدى حابارلادىق. بولاشاق پەداگوگتار ۋنيۆەرسيتەتتە بۇل تەحنولوگيالاردى مەڭگەرۋى ءتيىس», - دەدى ول.
