ايماقتار • 20 مامىر، 2020

الماتى وبلىسىندا تاعى ءبىر پتر زەرتحانا اشىلادى

137 رەت كورسەتىلدى

الماتى وبلىسىنىڭ ەڭبەكشىقازاق اۋدانىندا جۇقپالى ىندەت بەلگىسىن انىقتايتىن ارنايى ورتالىق ىسكە قوسىلماقشى. پتر زەرتحانا ەسىك قالاسىنان، اۋدانارالىق كوپسالالى اۋرۋحانا جانىنان اشىلادى.

جالپى، پتر زەرتحاناسى، ناقتىراق ايتقاندا پوليمەرلى تىزبەكتى رەاكتسيا تالداۋى ادام بويىندا كوروناۆيرۋس ينفەكتسياسىنىڭ بەلگىسى بار-جوعىن جىلدام ءارى ناقتى انىقتايتىن ءادىس ەكەن. ياعني، زەرتحانا جۇمىسى مولەكۋليارلى بيولوگيا تاسىلىمەن ءجۇرىپ، فەرمەنتتەردىڭ كومەگىمەن جۇقپالى ىندەتتىڭ ءىزىن ەرتە تاۋىپ، ەمدەۋگە مۇمكىندىك بەرەدى. ال الماتى وبلىستىق دەنساۋلىق ساقتاۋ باسقارماسىنىڭ ەڭبەكشىقازاق اۋدانىن تاڭداپ، پتر زەرتحاناسىن اشۋعا قولداۋ كورسەتىۋىنىڭ وزىندىك سەبەبى بار ەكەن. اۋەلى، ەسىكتەگى كلينيكا ايماقتاعى ەڭ ءىرى مەديتسينالىق مەكەمە  قاتارىندا. بۇل ايماقتاعى ادامدارعا قىزمەت كورسەتۋدىڭ اۋقىمىن ارتتىرۋعا مەيلىنشە مۇمكىندىك بەرمەك. جانە قازىرگە دەيىن اۋداندىق اۋرۋحانا دارىگەرلەرى جۇقپالى ىندەت جۇقتىرعان ناۋقاستاردى قابىلداپ، ەم-دوم جاساۋمەن اينالىسىپ جاتىر ءارى بۇل قىزمەتى ساپالى كورسەتۋدە.

ەكىنشىدەن، اۋداندىق كلينيكا تاراپىنان الدىن الا دايىندىق شارالارى تولىقتاي جۇرگىزىلدى. بۇل زەرتحانادا جۇمىس ىستەيتىن ماماندار بىلىكتىلىكتەرىن ارتتىرىپ، وسى جۇمىسقا بەيىمدەلگەن ەكەن. پتر زەرتحاناسى عيماراتتىڭ جەكە بلوگىندا ورنالاسقاندىقتان كەلۋشىلەردىڭ كىرىپ، شىعۋ مەن بيولوگيالىق ماتەريالداردى قابىلداۋدىنا قولايلى جاعداي جاسالعان.  ارنالعان جەكە ەسىك ارقىلى جۇرگىزىلەدى. ياعني، ەندى ەسىكتەگى پتر زەرتحاناسىنا جۇگىنۋشىلەر ناۋقاس كورسەتكىشتەرى مەن بەلگىلەرى بويىنشا جانە دارىگەردىڭ جولداماسىمەن ناقتى ۋاقىت رەجيمىندە جۇقپالى اۋرۋعا قارسى دياگنوستيكادان وتە الادى.

سونداي-اق، ەڭبەكشىقازاق اۋداندىق كوپسالالى اۋرۋحاناسىندا كوروناۆيرۋسپەن كۇرەس كەزەڭىندە ءۇش ساتىداعى ستاتسيونارلىق ورتالىق ۇيىمداستىرىلعان ەكەن. بۇل دا پتر زەرتحاناسىنىڭ جۇمىسىن ساپالى جۇرگىزۋگە تاجىريبە مەن بىلىك تۇرعىسىنان جاردەمىن تيگىزبەك. ماسەلەن، اۋرۋحاناداعى كارانتين ستاتسيونارى 13 ناۋرىزدان باستاپ اشىلىپ، قازىرگە دەيىن 140 پاتسيەنت قابىلداعان. ەم العان 100 ناۋقاس تولىقتاي وڭالىپ، ۇيلەرىنە بارۋعا رۇحسات الىپتى.

ال پروۆيزورلىق ستاتسيونار توتەنشە جاعداي جاريالانعان العاشقى كۇنىنەن باستاپ قىزمەتكە كىرىسكەن. وسى ارالىقتا پروۆيزورلىق باقىلاۋعا جالپى 86 پاتسيەنت الىنسا، ونىڭ سەكسەنى تولىق ەمدەۋ كەزەڭىنەن ءوتىپ، دەرتتەن ايىققان ەكەن.  جانە اۋرۋحاناداعى ينفەكتسيالىق ستاتسيونار دا 29 ناۋرىزدان باستاپ كوروناۆيرۋسقا شالدىققان پاتسيەنتتەردى قابىلداي باستادى. بۇگىنگە دەيىن ستاتسيونارعا 84 پاتسيەنت جاتىپ، شىققان. ءالى دە 36 ناۋقاس وسىندا ەم قابىلداۋدا.

ايتپاقشى، الماتى وبلىسىنىڭ ەڭبەكشىقازاق اۋدانىنداعى زاماناۋي پتر-زەرتحانانىڭ اشىلۋىنا «Birgemiz Jetisy» قوعامدىق قورى قارجىلاي قولداۋ كورسەتىپ وتىر ەكەن.

 

الماتى وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار