-قازىر وسى ماسەلەنى مۇقيات پىسىقتاپ, باس مەملەكەتتىك سانيتارلىق دارىگەردىڭ قاۋلىسى دايىندالۋدا. سونىمەن قاتار جالپى سانيتارلىق-شەكتەۋ تالاپتارىنان باسقا ەرەكشە تالاپتار كورسەتىلگەن نىسانداردىڭ اتالعان ساناتتارىنىڭ جۇمىس الگوريتمدەرى ازىرلەندى: ساۋدا ورتالىقتارى ادەتتەگى جۇمىس كەستەسىمەن, ساۋدا بۋتيكتەرىندە ساتىپ الۋشىلاردىڭ سانىن بەس ادامنان اسىرماۋى, كەمىندە ەكى مەتر الەۋمەتتىك قاشىقتىقتى قاتاڭ ساقتاۋمەن جانە كەزەكتە, كاسسالىق, ساۋدا ايماعىندا شامامەن العاندا ەكى مەتردەن كەم ەمەس تاڭبالار بولۋى كەرەك, – دەدى ج.پىراليەۆا.
مونشا مەن ساۋنا (باسسەينسىز) ءۇشىن كۇتۋ زالىنداعىلاردى قوسپاعاندا, پەرسونالدىڭ كەلۋشىلەرمەن تىكەلەي بايلانىسىن بارىنشا ازايتىپ, جوبالىق سىيىمدىلىقتىڭ 30%-نان اسپايتىن تولتىرۋمەن 9:00-دەن 18:00-گە دەيىن (الدىن الا جازىلۋ بويىنشا) جۇمىس كەستەسى كوزدەلەدى.
ەلوردانىڭ باس سانيتارلىق دارىگەرى سانيتارلىق-ەپيدەميولوگيالىق تالاپتاردى قاتاڭ ساقتاۋ قاجەتىن اتاپ ءوتتى. سەبەبى كارانتين شارالارىن جەڭىلدەتۋدى ەسكەرسەك, كەز كەلگەن ۋاقىتتا ىندەت قايتا ءورشۋى مۇمكىن.
