«5-10-20» باعدارلاماسى ارقىلى كىمدەر ءۇي الا الادى؟

قوعام • 19 مامىر، 2020

«5-10-20» باعدارلاماسى ارقىلى كىمدەر ءۇي الا الادى؟

923 رەت كورسەتىلدى

مەملەكەت باسشىسىنىڭ تاپسىرماسى اياسىندا ءۇي الۋعا كەزەكتە تۇرعان ازاماتتاردىڭ ماسەلەسىن شەشۋ ءۇشىن كرەديتتىك تۇرعىن ۇيمەن قامتاماسىز ەتۋگە ارنالعان «5-10-20» جاڭا جوباسىن ىسكە قوسۋ جوسپارلانىپ وتىر. بۇل تۋرالى يدم ءباسپاسوز قىزمەتى حابارلادى.

سۇڭعات ءالىپباي

قاناتقاقتى جوباعا قاتىسۋشىلاردىڭ دارەجەسى انىقتالدى، ولار – باسپاناعا مۇقتاجدار رەتىندە جەرگىلىكتى اتقارۋشى ورگانداردا ەسەپتە تۇرعان ازاماتتار.

«تۇرعىنۇيقۇرىلىسجيناقبانكى» اق نەگىزىندە «وتباسى بانك» دامۋ جانە قولداۋ ۇلتتىق ينستيتۋتى قۇرىلىپ، باسپانامەن قامتاماسىز ەتۋ جونىندەگى ورتالىق فۋنكتسيالارىن جۇزەگە اسىرادى.

ونىڭ باستى يدەياسى مىنادا: مەنشىگىندە باسپاناسى جوق ءاربىر قازاقستاندىق ورتالىققا حابارلاسىپ، ءوز تابىسىنا قاراي قولجەتىمدى باسپانا الۋعا مۇمكىندىك الادى.

«تۇرعىنۇيقۇرىلىسجيناقبانكىن» «وتباسى بانك» ەتىپ قايتا قۇرۋ شارالارى اياقتالعان سوڭ ازاماتتاردى ساناتتارى ەمەس، ناقتى كىرىستەرىنە قاراي ىرىكتەۋ جۇرگىزىلەدى.

وتباسىنىڭ ءار مۇشەسىنە ساناعاندا تابىس مولشەرى 1 ەڭ تومەنگى كۇنكورىس كولەمىنە دەيىنگى (32 668 تەڭگە) ازاماتتارعا جالعا بەرىلەتىن تۇرعىن ءۇي الادى.
وتباسىنىڭ ءار مۇشەسىنە ساناعاندا تابىس مولشەرى 2 ەڭ تومەنگى كۇنكورىس كولەمىنە دەيىنگى (65 336 تەڭگە) ازاماتتار «باقىتتى وتباسى»، «2-10-20» سياقتى باعدارلامالار بويىنشا 2% نەسيەمەن باسپانا الا الادى. قويىلاتىن تالاپتار:

قاتىسۋشىلار «تۇرعىن ءۇي قاتىناستارى تۋرالى» قر زاڭىنا سايكەس كەلەسى ساناتتار بويىنشا باسپاناعا مۇقتاجدار ەسەبىندە تۇراتىن ازاماتتار بولۋى ءتيىس.

«التىن القا» ، «كۇمىس القا» توسبەلگىلەرىمەن ماراپاتتالعان نەمەسە «باتىر انا» اتاعىن العان، سونداي-اق ءى جانە ءىى دارەجەلى «انا داڭقى» وردەنىن العان كوپبالالى انالار، كوپبالالى وتباسىلار;
تولىق ەمەس وتباسىلار;
مۇگەدەك بالالارى بار نەمەسە تاربيەلەپ وتىرعان وتباسىلار.

باستى تالاپتارى:

قازاقستان رەسپۋبليكاسىنىڭ ازاماتتىعى;
سوڭعى 6 ايعا ەڭبەك جانە (نەمەسە) كاسىپكەرلىك قىزمەتتەن كىرىسىنىڭ بولۋى (زەينەتاقى اۋدارىمدارى، جەكە تابىس سالىعى جانە وزگە دە مىندەتتى اۋدارىمدارى ەسەپكە الىنبايدى);
نەكەنىڭ بۇزىلعانىنا 3 جىل بولۋى (تولىق ەمەس وتباسىلار ءۇشىن);
تولەمقابىلەتىن راستاۋ;
«تۇرعىن ءۇي قاتىناستارى تۋرالى» قر زاڭىنا سايكەس جاو-دا باسپاناعا مۇقتاجدار ەسەبىندە تۇرعانىن راستاۋ.
وتباسىنىڭ ءار مۇشەسىنە ساناعاندا تابىس مولشەرى 3،1 ەڭ تومەنگى كۇنكورىس كولەمىنە دەيىنگى (96،7 مىڭ تەڭگە) تۇرعىندار جاڭا «5-10-20» باعدارلاماسىمەن باسپانا الادى.

پيلوتتىق جوباعا قاتىسۋشىلار جاو-دا باسپاناعا مۇقتاجدار ەسەبىندە تۇراتىن ازاماتتار بولۋى ءتيىس. ساتىلاتىن باسپاناعا جاو كەزەگىندە تۇرعانداردان بەرىلگەن ءوتىنىم جەتپەي قالعان جاعدايدا «تۇرعىنۇيقۇرىلىسجيناقبانكى» ىشكى قۇجاتتارىنا سايكەس باللدىق جۇيەنى قولدانباي ىرىكتەۋ جاسايدى. ونىڭ ىشىندە جاو كەزەگىندە تۇرماعان بانك سالىمشىلارى اراسىندا جۇرگىزىلەدى.

باستى تالاپتارى:

قازاقستان رەسپۋبليكاسىنىڭ ازاماتتىعى;
سوڭعى 6 ايعا ەڭبەك جانە (نەمەسە) كاسىپكەرلىك قىزمەتتەن كىرىسىنىڭ بولۋى (زەينەتاقى اۋدارىمدارى، جەكە تابىس سالاعى جانە وزگە دە مىندەتتى اۋدارىمدارى ەسەپكە الىنبايدى);
«تۇرعىن ءۇي قاتىناستارى تۋرالى» قر زاڭىنا سايكەس جاو-دا باسپاناعا مۇقتاجدار ەسەبىندە تۇرعانىن راستاۋ.
تولەمقابىلەتىن راستاۋ.

باسپانانى «نۇرلى جەر» باعدارلاماسى شەڭبەرىندە سالىنعان دايىن تۇرعىن ءۇي وبەكتىلەرىنەن دە، جەكە سالۋشىلاردان دا ساتىپ الۋعا بولادى.

قارىزدىڭ ەڭ كوپ سوماسى رەسپۋبليكا وڭىرلەرىندەگى جەكە سالۋشىلاردىڭ باستاپقى باسپانا باعاسىنا قاراي انىقتالادى: نۇر-سۇلتان، الماتى قالالارى جانە قالا ماڭىنداعى ايماقتار ءۇشىن 18 ملن. تەڭگەدەن، اتىراۋ، اقتاۋ، اقتوبە، شىمكەنت، تۇركىستان قالالارى جانە قاراعاندى وبلىسى ءۇشىن 15 ملن. تەڭگەدەن، قالعان وڭىرلەر ءۇشىن 12 ملن. تەڭگەدەن اسپاۋى كەرەك.

اكىمدىكتەر سالاتىن كرەديتتىك تۇرعىن ۇيلەر بويىنشا 1 شارشى مەترى ءۇشىن كەلەسى ولشەمدەر بەكىتىلدى: الماتى قالاسىندا – 240 مىڭ تەڭگە، نۇر-سۇلتان قالاسىندا جانە قالا ماڭىنداعى ايماقتاردا – 220 مىڭ تەڭگە، شىمكەنت قالاسىندا جانە الماتى قالاسى ماڭىنداعى ايماقتاردا – 200 مىڭ تەڭگە، اقتوبە، اتىراۋ، تۇركىستان قالالارىندا جانە قاراعاندى وبلىسىندا – 180 مىڭ تەڭگە، قالعان وڭىرلەردە 160 مىڭ تەڭگەگە دەيىن بولادى.

وتباسىنىڭ ءار مۇشەسىنە ساناعاندا تابىس مولشەرى 3،1 ەڭ تومەنگى كۇنكورىس كولەمىنەن جوعارى تۇرعىندار 2-دەڭگەيلى بانكتەردىڭ «7-20-25»، نارىقتىق يپوتەكا باعدارلامالارىنا قاتىسا الادى.

جەرگىلىكتى اتقارۋشى ورگانداردا باسپاناعا كەزەكتىڭ قازىرگى تىزىمىندە تۇرعاندارعا ءۇي ءبولۋ ولاردى تولىقتاي باسپانامەن قامتاماسىز ەتكەنگە دەيىن جۇرگىزىلە بەرەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز