بريفينگتە الماتى قالاسى ءبىلىم باسقارما باسشىسى ءلاززات جىلقىباەۆا تۇلەكتەردىڭ سانيتارلىق تالاپتار مەن قاۋىپسىزدىكتى ساقتاۋدا لينەيكالاردىڭ مەكتەپ اۋماعىندا اشىق اسپان استىندا ءوتۋى, وعان قاتىساتىن تۇلەكتەردىڭ مەكتەپ فورماسىن كيۋى جانە باسقا دا ماسەلەلەر ەرەكشە باقىلاۋعا الىناتىندىعىن اتاپ ءوتتى.
مەكتەپ ءبىتىرۋ شارالارىن ۇيىمداستىرۋداعى ماڭىزدى اتاپ وتەتىن جايت, مىنالارعا رۇقسات ەتىلمەيدى:
– انيماتورلاردى, مەرەكەلىك اگەنتتىكتەردى, جەكەمەنشىك ستۋديالاردى شاقىرۋعا;
– مەكتەپ ءبىتىرۋ شاراسىن سالتاناتتى ەتىپ وتكىزۋگە;
– مەرەكەلىك ستولداردى ۇيىمداستىرۋعا;
– اۆتوكولىكتەردى جالعا الىپ, قالادا ەكسكۋرسيا جۇرگىزۋگە.
قالالىق قالاسى ءبىلىم باسقارماسىىنڭ باسشىسى قانداي دا ءبىر مەكتەپ شارالارىن وتكىزۋگە اقشالاي قارجى جيناۋعا جول بەرىلمەيتىندىگىن ەسكەرتە كەلە: «سونىمەن بىرگە, 2019 جىلدىڭ قىركۇيەگىنەن باستاپ قالاداعى 200-دەن استام مەملەكەتتىك مەكتەپ جان باسىنا قارجىلاندىرۋعا كوشتى, سونىڭ اياسىندا كوپتەگەن مىندەتتەر شەشىمىن تاۋىپ, اسىرەسە مەكتەپتەردىڭ ماتەريالدىق-تەحنيكالىق بازاسى نىعايتىلدى.
وسىعان بايلانىستى مەكتەپ قاجەتىنە ارناپ, ماسەلەن, جوندەۋ جۇمىستارى ءۇشىن اقشالاي قارجى جيناۋعا جول بەرىلمەيدى», دەدى.
بارلىق ماسەلە بويىنشا قالالىق ءبىلىم باسقارما تاراپىنان اتا-انالار مەن مۇعالىمدەر اراسىندا ۇنەمى ءتۇسىندىرۋ جۇمىستارى جۇرگىزىلۋدە.
الماتى
