ءبىلىم • 19 مامىر، 2020

الماتىدا 276 مىڭداي وقۋشى مەن 66 مىڭنان استام كوللەدج ستۋدەنتى قاشىقتان ءبىلىم الدى

21 رەت كورسەتىلدى

بۇگىن الماتى قالاسى وڭىرلىك كوممۋنيكاتسيالار قىزمەتىنىڭ الاڭىندا مەكتەپتەردەگى وقۋ جىلىنىڭ اياقتالۋى مەن اتتەستاتتاردى تاپسىرۋ ءراسىمىن وتكىزۋ فورماتى تۋرالى ونلاين بريفينگ ءوتتى.

بريفينگتە الماتى قالاسى ءبىلىم باسقارما باسشىسى ءلاززات جىلقىباەۆا مەملەكەت باسشىسىنىڭ زاماناۋي قاشىقتىق تەحنولوگيالارىن ۇدەمەلى ەنگىزۋ قاجەتتىگىن، ءبىلىم بەرەتىن باعدارلامالاردىڭ مازمۇنىن قايتا قاراۋ قاجەتتىگىن اتاپ ءوتىپ، ء بىلىم بەرۋ جۇيەسىن ودان ارى  جەتىلدىرۋ بويىنشا بىرقاتار ماڭىزدى تاپسىرما بەرگەنىن العا تارتا وتىرىپ، بىرقاتار مالىمەت پەن شەشىمدى جاريا ەتتى.

– ەنگىزىلگەن كارانتين رەجيمى بارلىق ءبىلىم بەرۋ مەكەمەلەرىنىڭ جۇمىسىنا ايتارلىقتاي تولىقتىرۋلار (وزگەرىستەر) ەنگىزدى، الايدا ءبىز ءۇشىن وسكەلەڭ ۇرپاقتىڭ دەنساۋلىعى مەن قاۋىپسىزدىگى ۇنەمى باستى نازاردا.

25 مامىر كۇنى 2019-2020 وقۋ جىلى رەسمي تۇردە اياقتالادى جانە سول سەبەپتى سىزدەردى الماتى قالاسىنىڭ ءبىلىم بەرۋ جۇيەسىندە قازىرگى جاعدايداعى ماڭىزدى ماسەلەلەردى شەشۋدە قانداي جۇمىستار جۇرگىزىلىپ جاتقانىنان حاباردار ەتكىم كەلەدى، – ءلاززات جىلقىباەۆا.

قالالىق ءبىلىم باسقارماسى باسشىسى الماتى قالاسى اكىمدىگىنىڭ قولداۋىمەن 6 ساۋىردەن قازىرگە دەيىن 276 مىڭنان استام وقۋشى مەن 66 مىڭنان استام كوللەدج ستۋدەنتى ءۇشىن جاڭا قاشىقتان وقىتۋ فورماتىندا وقۋ ۇيىمداستىرىلعانىن جەتكىزدى.

جەرگىلىكتى بيۋدجەتتەن قارجىلاندىرۋ مەن دەمەۋشىلەردىڭ ارقاسىندا قالانىڭ بارلىق وقۋشىلارى مەن 18 مىڭ مۇعالىم كومپيۋتەرلەرمەن جانە ينتەرنەت جەلىسىمەن دەر كەزىندە قامتاماسىز ەتىلگەن.

جاعدايدا كۇندەلىكتى باقىلاۋ جۇرگىزۋ ءۇشىن وقۋشىلار، اتا-انالار مەن مۇعالىمدەرگە كەڭەس بەرۋ ءۇشىن 30-دان استام call-ورتالىقتار اشىلدى. قاشىقتان وقىتۋ باستالعاننان بەرى call-ورتالىقتارعا 2،5 مىڭنان استام ادام جۇگىنگەن.

ناتيجەسىندە قاشىقتان وقىتۋ فورماتىندا وقۋ پروتسەسى ويداعىداي جۇيەگە كەلتىرىلىپ، بۇگىندە اعىمداعى جوسپارعا سايكەس جۇزەگە اسىرىلۋدا.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار