قوعام • 19 مامىر، 2020

ەلوردادا مەكتەپ ءبىتىرۋ كەشتەرىنە تىيىم سالىندى

45 رەت كورسەتىلدى

اتتەستات تاپسىرۋ وقۋ ورىندارىنىڭ اۋلالارىندا وتەدى. ودان كەيىن تۇلەكتەر مەكتەپ جىلدارى تۋرالى ەستەلىك رەتىندە اعاش وتىرعىزادى. بۇل تۋرالى نۇر-سۇلتان قالاسى اكىمدىگىنىڭ رەسمي سايتى حابارلادى.

«2019-2020 وقۋ جىلىنىڭ قورىتىندىسى بويىنشا 6 515 ەلوردالىق وقۋشى اتتەستات الادى. سالتاناتتى ءراسىم 3 ماۋسىمدا قالانىڭ بارلىق ورتا وقۋ ورىندارىندا وتەدى. ەلوردادا كارانتين رەجيمىنىڭ ساقتالۋىنا بايلانىستى اتالعان ءىس-شارالار بارلىق سانيتارلىق نورمالاردى ساقتاي وتىرىپ، مەكتەپ اۋلالارىندا وتەدى. وقۋشىلار راسىمگە مەكتەپ فورماسىمەن قاتىسادى. اتتەستات تاپسىرعاننان كەيىن «تۇلەكتەر اللەياسىندا» كوشەت وتىرعىزۋ اكتسياسى جوسپارلانعان. نۇر-سۇلتان قالالىق ءبىلىم باسقارماسى ءبىتىرۋ كەشتەرىن وتكىزۋگە قاتاڭ تىيىم سالىناتىندىعىن ەسكەرتەدى»، – دەدى قالالىق ءبىلىم باسقارماسىنىڭ ءباسپاسوز حاتشىسى التىناي زارلىققىزى.

بيىل 6 199 ەلوردالىق وقۋشى نەمەسە وقۋشىلاردىڭ جالپى سانىنىڭ 95%-ى ۇلتتىق بىرىڭعاي تەست (ۇبت) تاپسىرادى. ونىڭ ىشىندە 3 665 قازاق، 2 495 ورىس، 39 اعىلشىن تىلىندە. بۇل رەتتە ۇبت وتكىزۋ فورماتى وزگەرىسسىز قالادى: ۇزاقتىعى 3 ساعات 50 مينۋت تەست ەكى بلوكتان – 3 نەگىزگى ءپان (20 تاپسىرما) جانە 2 بەيىندىك پاننەن (30 تاپسىرما) تۇرادى. ۇبت-عا 11-ءشى سىنىپتىڭ ءتورتىنشى توقسانىنىڭ تاپسىرمالارى ەنگىزىلمەيدى.

كارانتين رەجيمىن ەسكەرە وتىرىپ، تەست باستالار الدىندا ەمتيحان تاپسىرۋشىلاردىڭ تەمپەراتۋراسى ولشەنىپ، وقۋشىلار اراسىندا قاۋىپسىز قاشىقتىق ساقتالادى. سونداي-اق قوسىمشا سانيتارلىق شارالار قابىلدانادى.

بۇدان باسقا وقۋشىلاردى ۇبت وتەتىن جەرگە تەگىن جەتكىزۋ قامتاماسىز ەتىلەدى. اتا-انالار ءوز بالالارىنىڭ ۋاقىتىندا كەلۋىن جانە قاۋىپسىزدىگىن قامتاماسىز ەتۋگە مىندەتتى. ۇبت باستالعانعا دەيىن ءۇي-جايلاردىڭ ورتكە قارسى قاۋىپسىزدىگى تەكسەرىلەدى، مەديتسينالىق كومەك جانە قۇقىقتىق ءتارتىپتى قورعاۋ ۇيىمداستىرىلادى. بيىل «التىن بەلگىگە» 359، ۇزدىك اتتەستاتقا 379 تۇلەك ۇمىتكەر.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار