«قازپريتسەپ» كومپانياسى وقۋ ورنىنا شاعىن تەحنيكانى قۇراستىرۋعا قاجەتتى بارلىق بولشەكتەردى ۇسىنادى. تىركەمەنىڭ جۇكتى وزدىگىنەن ءتۇسىرۋ فۋنكتسياسى بار. مۇنداي تەحنيكا شاعىن بيزنەس يەلەرى مەن اگراريلەر ءۇشىن تارتىمدى. الداعى ۋاقىتتا تىركەمەلەردى تاپسىرىس بويىنشا قۇراستىرۋ جوسپارلانىپ وتىر.
–وقۋ ورنىنىڭ سوڭعى كۋرس ستۋدەنتتەرى وندىرىستىك ءبىلىم بەرۋ شەبەرلەرىمەن بىرلەسىپ ۇزىندىعى ەكى جانە ەكى جارىم مەترلىك تىركەمەلەر قۇراستىرۋدا. وسىلايشا, كوللەدج تالىمگەرلەرى تەحنيكا قۇراستىرۋ ىسىندە وندىرىستىك تاجىريبە جيناقتاپ وتىر,–دەيدى جوعارى تەحنيكالىق كوللەدجى ديرەكتورىنىڭ ورىنباسارى نارتاي ىبىراەۆ.
دايىن ءونىمدى ساۋدالاۋمەن «قازپريتسەپ» كومپانياسىنىڭ ءوزى اينالىسۋدا.
–ماعان وسىندا ءبىلىم العان ۇنايدى. مۇندا بىلىكتى ۇستازدار مەن شەبەرلەر ءتالىم بەرەدى. مەن مەتالل دانەكەرلەۋدى, كونسترۋكتسيانى دۇرىس قۇراستىرۋدى ۇيرەندىم. سىزبا بويىنشا جۇمىس ىستەۋدى بۇعان دەيىن دە يگەرگەن بولاتىنمىن, دەيدى جوعارى تەحنيكالىق كوللەدجىنىڭ ستۋدەنتى يگور پانوۆ.
تىركەمە 570 كيلوگرامم سالماقتى كوتەرەدى. الداعى ۋاقىتتا كوللەدجدىڭ تىگىن تسەحىندا تىركەمەلەرگە ارنالعان جابىنىن تىگۋ جوسپارلانىپ وتىر.
