«اشىق نقا» پورتالىندا «حالىق العىسى» مەدالى تۋرالى پرەزيدەنت قاسىم-جومارت توقاەۆتىڭ جارلىعىنىڭ جوباسى ورنالاستىرىلعان. وندا مەدال تۋرالى تۇسىنىكتەمەدە كوروناۆيرۋس ينفەكتسياسىنا قارسى كۇرەستە ەرەكشە كوزگە تۇسكەن قازاقستان ازاماتتارىن كوتەرمەلەۋ ماقساتىندا وسىنداي شەشىم جاسالىپ وتىرعاندىعى جايلى ايتىلعان.
مەدالمەن ناگرادتاۋعا ۇسىنىستاردى قازاقستان پرەزيدەنتىنە پارلامەنت پالاتالارى, ۇكىمەت, قازاقستان رەسپۋبليكاسى كونستيتۋتسيالىق كەڭەسى, جوعارعى سوت, مينيسترلىكتەر, وزگە دە ورتالىق مەملەكەتتىك ورگاندار, نۇر-سۇلتان, الماتى جانە شىمكەنت قالالارىنىڭ, وبلىستاردىڭ اكىمدەرى, سونداي-اق قوعامدىق بىرلەستىكتەر بەرەدى.
