«مەملەكەت باسشىسىنىڭ تاپسىرماسىمەن الەمدىك جانە ۇلتتىق ەكونوميكاداعى قازىرگى جاعدايعا بايلانىستى 2025 جىلعا دەيىنگى ستراتەگيالىق دامۋ جوسپارى جاڭا رەداكتسيادا ازىرلەنەتىن بولادى. ول ينستيتۋتسيونالدىق جانە قۇرىلىمدىق رەفورمالاردى جۇرگىزۋدى قامتيتىن ورتا مەرزىمدى كەزەڭگە ارنالعان جاڭا ەكونوميكا باعىتىنىڭ نەگىزگى باعارلارىن ايقىندايدى. ەكونوميكانىڭ جاڭا قۇرىلىمىن قالىپتاستىرۋ باستى مىندەتكە اينالادى. اتالعان ستراتەگيا ءوز-ءوزىن قامتاماسىز ەتۋدى ارتتىرۋعا, باسەكەگە قابىلەتتى شيكىزاتتىق ەمەس سەكتورعا ساپالى ينۆەستيتسيا مەن قوسىلعان قۇننىڭ جاھاندىق جانە وڭىرلىك تىزبەكتەرىنە كىرۋگە نەگىزدەلەدى», - دەدى اسقار مامين.
بۇدان سوڭ ول ۇلتتىق ەكونوميكا مينيسترلىگىنە ستراتەگيا جوسپارىنىڭ جاڭا رەداكتسيا جوباسىن 2020 جىلعى 1 شىلدەگە دەيىن ۇكىمەتكە ەنگىزۋدى تاپسىردى.
