ۇزدىكتەر كوشىن «پاري سەن-جەرمەن» كلۋبىنىڭ پرەزيدەنتى ناسسەر ءال-حەلايفي باستاپ تۇر. 47 جاستاعى كاتار ازاماتى كەزىندە ءوز ەلىنىڭ ەڭ بەلدى تەننيسشىلەرىنىڭ ءبىرى بولىپ, الەمدىك رەيتينگتە 995 ورىنعا دەيىن كوتەرىلدى.
ۇلكەن سپورتتان قول ۇزگەننەن كەيىن ول «Al Jazeera Sports» جەلىسىنىڭ باس ديرەكتورى بولىپ تاعايىندالدى. وسى ورايدا, كوپتەگەن سپورتتىق ارنالار اشىپ, ءتۇرلى اۋقىمدى شارالار ۇيىمداستىردى. بۇل كۇندەرى ءال-حەلايفي مىرزا «beIN Media Group» دەپ اتالاتىن ىرگەلى كورپوراتسياسىن باسقارىپ وتىر. بىرقاتار شەت مەملەكەتتە فيليالدارى جانە 55 ميلليوننان اسا جازىلۋشىسى بار ايتۋلى ۇيىم 2022 جىلى فۋتبولدان كاتاردا وتەتىن الەم چەمپيوناتىنىڭ دايىندىق جۇمىستارىمەن بەلسەنە اينالىسۋدا.
فۋتبول سالاسىنداعى ەڭ ىقپالدى ادامداردىڭ تىزىمىندە ەكىنشى جانە ءۇشىنشى ورىنداردى پورتۋگاليا ۇلتتىق قۇراماسى مەن يتاليانىڭ «يۋۆەنتۋس» كلۋبىنىڭ جۇلدىزى كريشتيانۋ رونالدۋ مەن فيفا پرەزيدەنتى دجانني ينفانتينو يەلەنۋدە.
