«ون ەكى ايدىڭ سۇلتانى بولعان رامازاننىڭ العاشقى ون كۇنى اللانىڭ راحىمى ءتۇسىپ تۇرادى, ەكىنشى ون كۇنىندە كەشىرىمى بولسا, سوڭعى ون كۇندىگىندە ورازا ۇستاعان جاندى توزاق وتىنان قۇتقاراتىن بەرەكەلى دە كەشىرىمى مول اي. رامازاننىڭ وسى سوڭعى ونكۇندىگىندە 83 جىل 4 ايعا تۋرا كەلەتىن ءبىر ءتۇن بار. وسى تۇندە ادام بالاسى كوبىرەك جاقسىلىق جاساپ, ىزگى امالداردى اتقارۋعا تىرىسادى. رامازان – جۇماقتىڭ ەسىگى ايقارا اشىلاتىن, يماندى كۇشەيتۋگە مۇمكىندىك بەرىلگەن اي. بۇل – جاراتۋشى يەمىزدىڭ ۇلى سىيى ءارى نىعمەتى. ءبىر جىلدا ون ءبىر اي بويى كىر شالىپ, توت باسۋعا از قالعان رۋح پەن جۇرەكتىڭ قايتا تازارىپ, كەمەلدەنۋى ءۇشىن قۇداي تاعالانىڭ ارنايى بەكىتكەن كيەلى باعدارلاماسى.
قادىر ءتۇنى – جاي ۋاقىتتا جاساعان جاقسىلىقتار مەن ساليقالى امالداردىڭ ساۋابىنىڭ 700 ەسەگە دەيىن ەسەلەنىپ جازىلاتىن قۇتتى ءتۇنى. سوندىقتان بۇل تۇندە بار يگىلىك يەلەرى جاقسىلىق جاساۋدا ءوزارا الامان بايگەگە تۇسەدى. مۇسىلمان ۇمبەتى بۇل ايدى سارىلا كۇتىپ, ساعىنىشپەن قارسى الادى. «كەلەسى جىلى بۇل قاسيەتتى ايمەن قايتا قاۋىشۋعا عۇمىرىم جەتە مە, جوق پا؟» دەگەن قيماس سەزىمدەرمەن شىعارىپ سالادى», دەدى باس يمام. سونىمەن قاتار ول ورازانىڭ ۇلكەن سابىر مەكتەبى ەكەنىن دە ايتىپ ءوتتى. ءوز سوزىندە بەيبىت مىرزاگەلديەۆ اتالعان تۇنگە دايىندىق شارالارى وبلىستىق جانە اۋداندىق مەشىتتەردە جۇرگىزىلىپ جاتقانىن, كوپبالالى, جالعىزباستى انالارعا جانە الەۋمەتتىك جاعدايى تومەن وتباسىلارعا قايىرىمدىلىق جاسالىپ, حالىقتىڭ ىنتىماعىن ارتتىرۋ ماقساتىندا ۋاعىز-ناسيحاتتار جۇرگىزىلەتىنىن جەتكىزدى.
جامبىل وبلىسى
