سۋرەتتەردى تۇسىرگەن ۆيكتوريا ماشكارينا
كومپانيا ءدوڭ تاۋ-كەن بايىتۋ كومبيناتى (اقتوبە وبلىسى, حرومتاۋ ق.), «قازمارگانەتس» كەن باسقارماسى (قاراعاندى وبلىسى), اقسۋ فەرروقورىتپا زاۋىتى (پاۆلودار وبلىسى) جانە اقتوبە فەرروقورىتپا زاۋىتى (اقتوبە وبلىسى) سياقتى قۇرىلىمدىق بولىمشەلەردى بىرىكتىرەدى.
ەۋرازيالىق توپتىڭ قۇرامىنداعى «قازحروم» تۇك» اق – تاۋ-كەن مەتاللۋرگيا سالاسى بويىنشا الەمدىك كوشباسشىلاردىڭ ءبىرى. كومپانيا جىلىنا 6 ميلليون توننا حروم, 480 مىڭ توننا مارگانەتس, 1,8 ميلليون توننا فەرروقورىتپا وندىرەدى.
قازىر «قازحروم» تۇك» اق COVID-19 تارالۋىن بولدىرماۋ جانە الدىن الۋ باعىتىندا قاتاڭ شارالاردى ساقتاي وتىرىپ, توتەنشە جاعداي كەزىندە جۇمىس جاساۋدا.
كومپانيا پرەزيدەنتى ارمان ەسەنجولوۆتىڭ توراعالىعىمەن توتەنشە جاعدايداعى ءىس-شارالارعا ارنالعان شتاب قۇرىلعان.
كومپانيا توپتىڭ بارلىق كاسىپورىندارى ءۇشىن جەكە قورعانىش قۇرالدارى جانە قاجەتتى مەديتسينالىق جابدىقتاردى ساتىپ الۋعا 900 ميلليون تەڭگەدەن استام قارجى بولگەن.
سونىمەن قاتار «قازحروم» اق كاسىپورىنداردا زارارسىزداندىرۋدىڭ كۇشەيتىلگەن تۇرىنە كوشتى. فيليالدار اي سايىن دەزينفەكتسيالىق قۇرالدارمەن قامتاماسىز ەتىلەدى.
ال اقتوبە قالاسىنداعى «پو گلوبال-سپەتسودەجدا» جشس «قازحروم» اق-تان 200 مىڭ بەتپەردە تىگۋ ءۇشىن كولەمدى تاپسىرىس الدى. سەرىكتەستىككە بەتپەردە دايىنداۋ ءۇشىن ليتسەنزيا بەرىلگەن. بەتپەردە تىگۋ ءۇشىن ءبوز قولدانىلماق. ءوندىرۋشى ءوز ونىمىنە ءبىر جىلعا كەپىلدىك بەرەدى.
ەگەر «قازحروم» اق-تىڭ وڭىرلەردەگى كاسىپورىندارىندا 19 مىڭ ادام ەڭبەك ەتەتىنىن, ءاربىر جۇمىسشى ەكى ساعات سايىن ءبىر رەتتىك مەديتسينالىق بەتپەردەنى اۋىستىرۋى كەرەك ەكەنىن ەسكەرسەك, سۇرانىس تا از ەمەس.
سەرىكتەستىك بۇعان دەيىن دە بىرنەشە جىلدان بەرى ERG كاسىپورىندارىنا ارنايى كيىم تىگۋمەن اينالىسادى. سوندىقتان فابريكا «قازحروم» اق-تىڭ سۇرانىسى بويىنشا ءونىم تۇرلەرىن ۇلعايتتى.
– ءار جۇمىسشىعا ەكى بەتپەردەدەن, ياعني ءبىر كۇن ىشىندە ەكى مارتە اۋىستىرۋ ءۇشىن 200 مىڭنان استام بەتپەردە قاجەت. قاۋىپسىز جانە پايدالانۋعا ىڭعايلى بولۋى ءۇشىن ارنايى نۇسقاۋلىقتار دا جاسالدى, – دەيدى«قازحروم» تۇك» اق ساتىپ الۋ ءبولىمىنىڭ باستىعى يگور فيليپپەنكو.
– ERG كومپانياسى, سونىڭ ىشىندە «قازحروم» اق ەڭبەك ادامدارى ءۇشىن قورعانۋعا قاجەتتى بارلىق جابدىقتاردى جەدەل ساتىپ الدى. كەنشىلەر مەن مەتاللۋرگتەردىڭ ەل الدىندا جاۋاپكەرشىلىكتەرى زور. ءدال وسى قاسيەت بىزگە كوروناۆيرۋس ىندەتىن جەڭۋگە كومەكتەسەدى دەپ سەنەمىن, – دەيدى «قازحروم»تۇك» اق پرەزيدەنتى ارمان ەسەنجولوۆ.
بۇگىندە «قازحروم» اق-تىڭ بارلىق كاسىپورنى تۇراقتى جۇمىس ىرعاعىندا.
پاۆلودار وبلىسى
