ءبىر ەرەكشەلىگى, اتالعان ۇجىمدا قازاق, ورىس, ۇيعىر, تۇرىك, دۇنگەن, نەمىس, كورەي ۇلتتارىنان شىققان جاستار جۇمىلىپ, تاتۋ-ءتاتتى ەڭبەك ەتىپ جاتىر. «بەرەكە باستاۋى – بىرلىك, ۇجىمداعى تاتۋ تىرلىك» قاعيداسىن ۇستانعان فيليال ماماندارى, قازىرگى قيىن كەزەڭدە دە ءبىر-بىرىنە قولداۋ ءبىلدىرىپ, قيىندىقتى بىرلەسە ەڭسەرۋگە كۇش سالۋدا. كارانتين كەزىندە قاشىقتان, ءبىر-بىرىنەن وقشاۋ جۇمىس ىستەگەنىمەن, تىلەگى مەن نيەتى ءبىر ەكەندىگىن بەينەتاسپاعا جازىپ جەتكىزىپ جاتادى.
ماسەلەن, اۋەزوۆ اۋداندىق فرونت-ءوفيسىنىڭ مامانى, ءى توپتاعى مۇگەدەك لاريسا كوزينا: «مەن دە وتانىمنىڭ ءبىر بولشەگى رەتىندە ءوز ورنىمدى تاۋىپ,ەڭبەك ەتىپ جاتقانىما قۋانىشتىمىن. قولداۋ كورسەتىپ وتىرعان ۇجىمىما العىس بىلدىرەمىن» دەسە, جەتىسۋ فرونت-وفيسىندە ەڭبەك ەتەتىن تۇرىك ۇلتىنىڭ وكىلى بەشلي وعلى تيۋركان مامەدقىزى دا ەلىنە, ۇجىمىنا دەگەن العىس سەزىمىن بىلاي جەتكىزەدى.
«ەڭ باستىسى, ەلىمىزدە سىيلاستىق بار. سونىمەن بىرگە قانداي باستاما, ىزگى ءىس بولماسىن ادامنىڭ ۇلتىنا قاراماستان قولداپ, ناسىلىنە قاراپ ەمەس, ىسكەرلىگىنە قاراي باعالانادى. تۋعان جەردىڭ توسىندە, قۇشاعىن جايعان بەيبىت ەلدە ارقايسىمىز ءوز ۇلەسىمىزدى ەل بىرلىگىنىڭ ساقتالۋىنا, بەيبىت تە مازمۇندى ءومىر كەشۋىمىزگە اتسالىسىپ جاتقانىمىزعا قۋانامىن. بۇل ورايدا ءوزىم ەڭبەك ەتەتىن ۇجىمىمدى ەرەكشە ماقتان تۇتاتىنىمدى, بارلىق جاعدايدا بىرگە ەكەندىگىمىزدى جەتكىزگىم كەلەدى», دەيدى.
جەتىسۋ اۋداندىق فرونت-وفيسىندە قىزمەت ەتەتىن مارينا راحىمباەۆا ءتۇرلى ۇلت وكىلدەرى بىرىگىپ, جۇمىلا جۇمىس ىستەپ جاتقان ۇجىمى تۋرالى ايتىپ بەردى. ء«بىز ءبىر ەلدە ءومىر ءسۇرىپ, ءبىر جەردىڭ سۋىن ءىشىپ, اۋاسىن بىرگە جۇتىپ جۇرگەندىكتەن – تاعدىرىمىز ءبىر باۋىرلارمىز. قازىرگىدەي اۋىر كەزەڭ بىزدەردىڭ ءبىر-بىرىمىزگە دەگەن دوستىق سەزىمىمىزدى ودان ءارى جاقىنداستىرا تۇسۋدە. مەن ۇجىمداستارىما ء«بىز ءبارىمىز بىرگەمىز!» دەي وتىرىپ, جۇرەكجاردى لەبىزىن جەتكىزگىم كەلەدى», دەيدى.
بوستاندىق اۋدانىنداعى فرونت-وفيستە كوپ جىلدان بەرى ەڭبەك ەتەتىن ۋكراين قىزى يرينا كۋحارسكايا دا حالىققا قىزمەت ەتەتىن كەزدىڭ كەلگەنىن ايتادى. «قازىرگى ۋاقىتتا قازاقستان بۇكىل الەم سياقتى كۇردەلى كەزەڭدى باستان كەشۋدە. بىرلىگى جاراسقان كوپۇلتتى قازاقستان حالقى بۇل قيىندىقتى دا ەڭسەرەمىز! ويتكەنى – ءبىز بىرگەمىز!», دەيدى جاس قىزمەتكەر.
– ەل باسىنا كۇن تۋعان قيلى زامانداردا دا حالقىمىزدى ۇلت رەتىندە ساقتاپ قالعان – ىنتىماعى مەن بىرلىگى. جاۋگەرشىلىك زاماندا باسى اۋعان جاققا كوشىپ ءجۇرىپ تە بەرەكەسى مەن قازانىن ورتايتپاعان قاسيەتتى قاناعاتشىل حالقىمىز, بۇل قيىندىقتى دا ەڭسەرەرى ءسوزسىز. «بىرلىك بار جەردە – تىرلىك بار» دەمەكشى, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ جاستارى ەل باسىنا كۇن تۋعان سىن ساعاتتاردا بىرلىگىن دە, تىرلىگىن دە كورسەتىپ وتىر, – دەيدى الماتى فيليالىنىڭ PR-مەنەدجەرى جاڭىل اپەتوۆا.
الماتى
