«استانا – ادالدىق الاڭى» جوباسى ىسكە قوسىلعاننان بەرى ەلوردا تۇرعىندارىنا قىزمەت كورسەتۋ ساپاسى ايتارلىقتاي جاقساردى. جوبا مەملەكەتتىك مەكەمەلەردىڭ جۇمىسىنداعى اكىمشىلىك كەدەرگىلەردىڭ جويىلۋىنا مۇمكىندىك بەردى. ەلىمىزدە العاش رەت «استانا – ادالدىق الاڭى» جوباسى اياسىندا ەنگىزىلگەن فرونت-كەڭسەلەر ەلوردانىڭ اۋدان اكىمدىكتەرىندە مەملەكەتتىك قىزمەتتى الۋ پروتسەستەرىن جەڭىلدەتتى.
جوبا اياسىندا اشىلعان IQALA قالالىق قىزمەت كورسەتۋ ورتالىعى – 129 ءتۇرلى مەملەكەتتىك قىزمەت كورسەتەتىن قالا تۇرعىندارى مەن بيلىك اراسىنداعى قارىم قاتىناستىڭ جاڭا فورماتىنا اينالدى.
IQALA ورتالىعى كارانتين كەزىندە جەدەل جۇمىستار اتقارىپ, نۇر-سۇلتان قالاسىنا جۇك تاسىمالدايتىن جۇرگىزۋشىلەر ءۇشىن «جاسىل ءدالىز» ەلەكتروندىق قىزمەتىن ازىرلەدى. وسىلايشا
post.iqala.kz سايتىنا ءوتىنىش بەرۋ ارقىلى بلوك بەكەتتەردەن كەدەرگىسىز وتۋىنە مۇمكىندىك بەردى جانە ول وتىنىشتەر دەرەۋ «سەرگەك: بلوك-بەكەت» قوسىمشاسىنا كەلىپ ءتۇستى.
جۇك كولىگىنىڭ جۇرگىزۋشىسىنە بار بولعانى: سايتقا كىرۋ, قالاعا كىرۋ/شىعۋ تۋرالى دەرەكتەردى, كولىكتىڭ ءنومىرىن, جسن, تاسىمالداناتىن جۇكتەردىڭ اتاۋىن, ولاردىڭ سانىن, سونداي-اق ءجۇرۋ باعىتىن كورسەتە وتىرىپ ءوتىنىمدى تولتىرۋ قاجەت. ءوتىنىشتى بەرۋ ەتسق جانە وزگە دە قوسىمشا قۇجاتتاردى تالاپ ەتپەيدى.
بۇل جاڭاشىلدىق پاندەميا كەزىندە ادامدار اراسىنداعى بايلانىستىڭ الدىن الىپ, تەكسەرىسكە كەتەتىن ۋاقىتتى ۇنەمدەۋگە مۇمكىندىك بەردى.
2018 جىلى جوبا شەڭبەرىندە مەملەكەتتىك ورگاندار مەن اكىمدىكتىڭ ۆەدومستۆولىق باعىنىستى ۇيىمدارىندا ارتىق الاڭدار مەن فۋنكتسيالاردى وڭتايلاندىرۋ جۇمىستارى جۇرگىزىلدى. ناتيجەسىندە, 450 ملن تەڭگە بيۋدجەت قاراجاتىن ۇنەمدەۋگە مۇمكىندىك بەردى.
«استانا – ادالدىق الاڭى» جوباسى اياسىندا ەلىمىزدە العاشقى بولىپ «بيۋدجەتكە قاتىسۋ» جوباسىن ىسكە قوستىق. بيۋدجەتكە قاتىسۋ جوباسىنىڭ ەرەكشەلىگى – ازاماتتار ءوز ۇسىنىستارى ارقىلى قالانى كوركەيتۋگە جانە دامىتۋعا بەلسەنە اتسالىسادى. ياعني ءاربىر باستاماعا, جوندەۋ جۇمىستارىنا قالا تۇرعىندارىنىڭ دا جاۋاپكەرشىلىگى ارتا ءتۇستى. وتكەن جىلى «سارىارقا» اۋدانى اكىمدىگىندە اۋلانى اباتتاندىرۋ بويىنشا 100 ملن تەڭگەنى قۇرايتىن 14 جوبا جۇزەگە اسىرىلسا, بيىلعى جىلى 583 ملن تەڭگە ءبولىندى.
«ادالدىق الاڭى» جوباسىنىڭ باستى مىندەتتەرىنىڭ ءبىرى – مەملەكەتتىك مەكەمەلەر قىزمەتىنىڭ اشىقتىعىن قامتاماسىز ەتۋ بولىپ تابىلادى. وتكەن جىلدان باستاپ جوبا كەڭسەسى Facebook جانە Instagram الەۋمەتتىك جەلىلەرى ارقىلى ەلوردالىق مەملەكەتتىك ورگاندار باسشىلارىمەن تىكەلەي بايلانىس وتكىزدى. بۇل ءادىس توتەنشە جاعداي كەزىندە تيىمدىلىگىن كورسەتتى. مەملەكەت باسشىسىنىڭ كارانتين كەزەڭىندە سىبايلاس جەمقورلىقتىڭ الدىن الۋ بويىنشا شارالاردى كۇشەيتۋ تۋرالى تاپسىرماسى بويىنشا Antikor ortalygy الاڭىندا «استانا – ادالدىق الاڭى» جوباسىنىڭ جەتەكشىسى, قالا اكىمىنىڭ كەڭەسشىسى ميراس شەكەنوۆ رەسپۋبليكادا العاشقىلاردىڭ ءبىرى بولىپ دەنساۋلىق ساقتاۋ, الەۋمەتتىك قورعاۋ, ءبىلىم بەرۋ, پوليتسيا جانە اۆتوموبيل جولدارى سالالارىنىڭ باسشىلارىمەن ونلاين بايلانىس وتكىزدى. ايتا كەتۋ كەرەك, ءبىلىم باسقارماسىنىڭ باسشىلارىمەن قاشىقتان وقىتۋدى ەنگىزۋ, وقۋشىلاردى ۇبت-عا دايىنداۋ, ازاماتتاردى الەۋمەتتىك قولداۋ شارالارى, كارانتين كەزەڭىندە تۇرمىستىق قاقتىعىستاردى شەشۋ بويىنشا پوليتسيا دەپارتامەنتى باسشىلارىمەن وتكىزىلگەن تىكەلەي ەفيردە جەلى قولدانۋشىلارى وڭ باعاسىن بەردى. ادالدىق الاڭى جوباسى اياسىندا جوبا جەتەكشىسى 23 ونلاين بايلانىس وتكىزدى. سونىمەن قاتار جوبا مەنەدجەرلەرى «Adal komek» اكتسياسىنا تۇراقتى تۇردە قاتىسىپ كەلەدى.
اعىمداعى جىلدان باستاپ ءبىلىم بەرۋ مەكەمەلەرىنە مونيتورينگ جۇمىستارى كۇشەيتىلدى. ناتيجەسىندە, بىرقاتار مەكتەپتىڭ قارجى-شارۋاشىلىق قىزمەتىن جۇرگىزۋدە جۇيەلى كەمشىلىكتەر انىقتالدى. وعان وقۋ ورنىنىڭ شاتىرى 3 جىلدان بەرى جوندەۋدەن ءوتىپ كەلە جاتقانى نەمەسە كۇردەلى جوندەۋ جۇمىستارىن جۇرگىزۋگە ارنالعان قاراجاتتى ءتيىستى ەمەس جۇمىسقا جۇمساۋ سەكىلدى كەمشىلىكتەر ايقىن مىسال بولا الادى. قازىرگى ۋاقىتتا وقۋ ورىندارىنىڭ قارجى-شارۋاشىلىق قىزمەتىنە قاتىستى بارلىق ماسەلەلەر وڭ شەشىلدى, كىنالى لاۋازىمدى تۇلعالار جۇمىستان بوساتۋعا دەيىن جازالاندى.
ەلوردا ءبىلىم بەرۋ مەكەمەلەرىندە, سونداي-اق مەملەكەتتىك ورگانداردا ادالدىق دۇكەندەرىن اشۋ جونىندەگى اگەنتتىكتىڭ باستاماسىن العاشقىلاردىڭ ءبىرى بولىپ قولدادى. بۇگىنگى كۇنى قالانىڭ بارلىق مەكتەپتەرى مەن كوللەدجدەرىندە كىتاپحانالار مەن ادالدىق دۇكەندەرى اشىلدى, «ادال ۇرپاق» كلۋبتارى مەن «سانالى ۇرپاق» جوباسى بەلسەندى جۇمىس ىستەۋدە. پاراساتتىلىق ساعاتتارى ءبىلىم بەرۋ مەكەمەلەرىنىڭ تاربيە جوسپارىنا ەنگىزىلدى. سونداي-اق قاشىقتان وقىتۋ كەزەڭىندە ومىرلىك قيىن جاعدايعا تاپ بولعان بالالاردى قولداۋ ورتالىعىندا العاش رەت «ادال كىتاپحانا» ىسكە قوسىلدى. وندا وسى مەكەمەنىڭ تاربيەلەنۋشىلەرى كىتاپحانانى ەركىن پايدالانا الادى, جۋرنالعا تىركەلىپ, كىتاپتى قولدانعاننان كەيىن كەرى قايتارادى, ال كىتاپحانا بەس كۇندىك جۇمىس اپتاسىنان «دەمالىسسىز» رەجىمگە اۋىستىرىلدى.
جاڭا وقۋ جىلىندا «ادال ۇرپاق», «سانالى ۇرپاق» ەرىكتىلەر كلۋبتارىنىڭ جۇمىسى جانە integrityshop جۇمىسى ءارى قاراي جالعاسادى.
سونداي-اق كەلەسi جوبالاردى ىسكە اسىرۋ جوسپارلانۋدا:
– «سەنىم بيۋروسى» جوباسى ء(ار مەكتەپتە جول جۇرۋگە, سومكەلەرگە, تەلەفوندارعا, اقشالارعا جانە ت. ب. ارنالعان جاشىكتەر قۇرىلادى);
– «بىرىڭعاي ءىس-قيمىل كۇنى» جوباسى, توقسان سايىن «مەكتەپ – الەۋمەتتىك بەلسەندىلىك اۋماعى» اكتسيالارى, «مەنىڭ ازاماتتىق ۇستانىمىم» روليكتەرى, «ەرەسەكتەرگە سۇراق قوي» بريفينگتەرى جۇزەگە اسادى;
– «ادالدىق شەبەرحانا» جوباسى ء(ار مەكتەپتە شەبەرحانا بۇرىشتارى ۇيىمداستىرىلىپ, وندا بالالار بوس ۋاقىتىندا قولونەرمەن اينالىسا الادى, جۇمىستار كەيىن «ادالدىق دۇكەندەرىندە» ساتىلادى.
توتەنشە جاعداي كەزىندە جوبا مەنەدجەرلەرى ارنايى مونيتورينگتىك توپپەن بىرلەسىپ قالا بازارلارىندا ازىق-ت ۇلىك باعاسىنىڭ جوعارىلاۋىن باقىلاۋ جاساۋ ءۇشىن مونيتورينگ جۇرگىزدى, بلوك – بەكەتتەرىنىڭ جۇمىسى تەكسەرىلدى, قالانىڭ كىرەبەرىستەرى مەن كوشەلەرىن دەزينفەكتسيالاۋدى جۇرگىزەتىن ۇيىمداردىڭ قىزمەتى زەردەلەندى, ءتيىستى ۇسىنىستار ازىرلەندى. بارلىق ءىس-شارالار بۇقارالىق اقپارات قۇرالدارى مەن الەۋمەتتىك جەلىلەردە بەلسەندى تۇردە جاريالانىپ كەلەدى.
اتالعان جۇمىستار بۇقارانىڭ جەمقورلىققا قارسى مادەنيەتىن قالىپتاستىرۋىنا وڭ ىقپالىن تيگىزۋدە. سىبايلاس جەمقورلىققا قارسى ءىس-شارالار جالعاساتىن بولادى. ءبىز ازاماتتاردىڭ تاراپىنان كەلىپ تۇسكەن بارلىق ۇسىنىس-تىلەكتەردى بارىنشا نازارعا الىپ, شەشۋ جولدارىن قاراستىرامىز. الايدا ءوزىمىز ءومىر ءسۇرىپ وتىرعان قوعامدى بارىنشا قولايلى ءارى قاۋىپسىز ەتۋ – ارقايسىمىزعا جۇكتەلگەن مىندەت.
جازيرا جىلقىشيەۆا,
سىبايلاس جەمقورلىققا قارسى ءىس-قيمىل اگەنتتىگى نۇر-سۇلتان قالاسى بويىنشا دەپارتامەنت باسشىسىنىڭ ءبىرىنشى ورىنباسارى
