العاشقى ءدارىستى شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى, فيلولوگيا عىلىمدارىنىڭ كانديداتى ەربول ەردەمبەك ۇلى تىلەشوۆ ء«تىل ۇيرەتۋدىڭ لەكسيكالىق مينيمۋمدارىنىڭ قاجەتتىلىگى مەن كريتەريلەرى» تاقىرىبىندا وقىدى. قازاق ءتىلىن جۇيەسىز وقىتۋ, لەكسيكالىق مينيمۋمنىڭ دۇرىس انىقتالماۋى ء تىل ۇيرەنۋدە قيىندىق تۋدىراتىنى جانە وسى ماسەلەلەردى شەشۋ ءۇشىن شەتەل تاجىريبەسىنە سۇيەنۋ كەرەكتىگىن باياندادى. اتاپ ايتقاندا, چ.ك.وگدەننىڭ «Dictionary of Basic English», ا.ۆ. پەتروچەنكوۆتىڭ «اعىلشىن ءتىلىنىڭ نەگىزگى 135 ءسوزى», ەريح ۆايستىڭ سوزدىگى اعىلشىن ءتىلىن ۇيرەتۋدە نەگىز بولاتىنىن دالەلدەپ ايتتى. عالىمداردىڭ زەرتتەۋلەرىنە جۇگىنە وتىرىپ, مينيمۋمداردىڭ جاسالۋ كريتەريلەرىنە توقتالدى.
ەكىنشى ءدارىستى فيلولوگيا عىلىمدارىنىڭ دوكتورى, نازارباەۆ ۋنيۆەرسيتەتى قازاق جانە تۇركولوگيا دەپارتامەنتىنىڭ پروفەسسورى زەينەحان كۇزەكوۆا «قازاق ءتىلىنىڭ قولدانبالى گرامماتيكاسىنىڭ ادىستەمەسى» تاقىرىبىندا وقىدى. ز. كۇزەكوۆانىڭ پىكىرىنشە, تىلدىك ءبىلىم, تىلدىك مادەنيەت, بۇگىنگى تاڭدا ءتىلدى وقىتۋعا جاڭاشا قاراۋدى تالاپ ەتەدى. قازاق ءتىلىن وقىتۋ مازمۇنىن پاندىك, پروتسەسسۋالدىق, ءتىل بىلىمىندەگى قۇرىلىمدىق, قۇرىلىمدىق-سەمانتيكالىق, فۋنكتسيونالدىق اسپەكتىلەرى تۇرعىسىنان قاراستىرىپ, لەكسيكالىق بىرلىكتەردى ۇيرەتۋگە قۇرىلعان جاتتىعۋ تۇرلەرىمەن تىڭداۋشىلاردى تانىستىردى.
بۇگىنگى وقىلعان ەكى ءدارىس بويىنشا ءتىل ماماندارى وزدەرىنە قاجەتتى, پايدالى ماعلۇمات الدى دەگەن ويدامىز.
دارىسكە Zoom سەرۆيسى بويىنشا 71 ءتىل مامانى قاتىستى. فەيسبۋك جەلىسىندەگى ONLINEda bol پاراقشاسى ارقىلى 23 ادام تىڭدادى.
