سونىمەن الماتىدا 25 مامىردان باستاپ, الاڭى 500 شارشى مەتردەن استام 138 ساۋدا نىساندارىنىڭ جۇمىسىنا قويىلعان شەكتەۋلەردى الۋ جوسپارلانىپ وتىر. جەكەلەي العاندا, ءسۇ, سو, سوو اۋماعىندا ورنالاسقان ازىق-ت ۇلىكتىك ەمەس بۋتيكتەر, ءسان سالوندارى, حيميالىق تازالاۋ جانە مەيرامحانالار جۇمىستارىن باستايدى.
ساۋدا نىساندارىنىڭ جۇمىستارىنا ساعات 23:00-گە دەيىن رۇقسات بەرىلەتىن بولادى. ءسۇ, سو جانە سوو اۋماعىندا ورنالاسقان فۋد-كورتتاردى اشۋ كەلەسى – 2-ءشى كەزەڭ شەڭبەرىنە, سپا, فيتنەس-ورتالىقتارىن جانە ويىن-ساۋىق نىساندارىن اشۋ – 3-ءشى كەزەڭ شەڭبەرىنە جوسپارلانىپ وتىر. ولاردىڭ اشىلۋ كۇنى قالاداعى ەپيدەميولوگيالىق جاعدايعا بايلانىستى بولادى جانە قوسىمشا حابارلانادى.
قوعامدىق تاماقتاندىرۋ نىساندارىنا كەلەتىن بولساق, 25 مامىردان باستاپ, قوعامدىق تاماقتاندىرۋ نىساندارىنىڭ جازعى الاڭدارىن قوسا العاندا, جالپى سانى شامامەن 27 مىڭ ادامدى قۇرايتىن 3100 كاسىپورىن جۇمىسىن باستايدى. ولاردىڭ جۇمىسىنىڭ نەگىزگى شارتى كورشى ستولداعى وتىرعان كەلۋشىلەردىڭ ارا-قاشىقتىعىنىڭ كەمىندە 2 مەتر بولۋىن قامتاماسىز ەتۋ جانە 1 ستولعا 4 ادامنان, ءبىر وتباسىنىڭ مۇشەلەرىن ايتپاعاندا, وتىرعىزۋ بولىپ تابىلادى. قوعامدىق تاماقتاندىرۋ نىساندارىنىڭ جۇمىسى ساعات 23:00-گە دەيىن رۇقسات ەتىلەدى. ءبىرىنشى كەزەڭدە بانكەتتەر مەن سالتاناتتى تويلار وتكىزۋگە تىيىم سالىنادى. سونداي-اق, اتالعان كەزەڭدە قوعامدىق تاماقتاندىرۋ نىساندارىنىڭ اۋماعىندا جۇمىس ىستەيتىن كاراوكە, بيليارد جانە كوڭىل كوتەرەتىن مەكەمەلەردىڭ جۇمىستارىنا تىيىم سالىنادى. كاليان جۇمىسىنا كارانتيننىڭ بۇكىل كەزەڭىندە تىيىم سالىنادى.
سونداي-اق, 25 مامىردان باستاپ, 5 مىڭنان استام جالپى جۇمىسشىلار سانىمەن 393 قوناقۇيلەرى (حوستەلدەردى قوسپاعاندا) جۇمىسىن باستاۋدى جوسپارلاپ وتىر. بۇل كەزەڭدە, 25 مامىردان باستاپ, ولارعا قوناق بولمەلەرىن بەرۋگە جانە ءوزىنىڭ اۋماعىندا مەيرامحانالار اشۋعا رۇقسات بەرىلەدى. بۇل رەتتە, قوناقۇيدەگى مەيرامحانالارعا قوعامدىق تاماقتاندىرۋ نىساندارىنا قويىلعان تالاپتار قويىلادى. سپا, باسسەيندەر جانە ترەناجەر زالدارىن اشۋ كۇنى قالاداعى ەپيدەميولوگيالىق جاعدايلارعا بايلانىستى بولادى جانە قوسىمشا حابارلانادى.
وسىلايشا, 25 مامىردان باستاپ, قالادا 84,2 مىڭ ادامدى جۇمىسپەن قامتي وتىرىپ, بارلىعى 3631 كاسىپورىندى ىسكە قوسۋ جوسپارلانىپ وتىر.
مەگاپوليستە بۇرىنعىشا كارانتين شارالارىنىڭ جالعاسىپ وتىرعانىن نازارعا الا وتىرىپ, ساۋدا, قوعامدىق تاماقتاندىرۋ, سونداي-اق قوناقۇي نىساندارىنىڭ جۇمىسى بارلىق سانيتاريالىق-ەپيدەميولوگيالىق تالاپتار ساقتالعان جاعدايدا مۇمكىن بولادى. سونىمەن بىرگە, الماتىدا الاڭى 2000 شارشى مەتردەن استام ءىرى ساۋدا نىساندارىن (مەگاپوليستە مۇنداي نىساندار بارلىعى 64), مىندەتتى نىسانداردىڭ دايىندىلىعىنىڭ باعالاۋىن وتكىزگەننەن كەيىن عانا اشۋ مۇمكىن بولادى.
اۋديت وتكىزۋگە بەرىلەتىن تاپسىرىس كۇن سايىن call-centre (+7 775 882 55 39, +7 775 882 57 08, +7 775 882 55 46, +7 775 882 54 16, +7 775 882 56 02, +7 775 882 53 12, + 7 775 882 56 49, +7 775 882 52 00, +7 775 882 56 72, +7 775 882 53 92) سونداي-اق ەلەكتروندىق info_onlinetrade@mail.kz پوشتا ارقىلى قابىلدانادى.
قالعان ساۋدا, قوعامدىق تاماقتاندىرۋ جانە قوناقۇي نىساندارىنا قويىلعان شەكتەۋلەردى دايىندىق باعالاۋىن وتكىزبەي-اق, كەلەسى الگوريتمنەن: ءبىرىنشى – الماتى قالاسىنىڭ باس مەملەكەتتىك سانيتاريالىق دارىگەرىنىڭ infoalmaty.kz سايتىنداعى قاۋلىسىنىڭ ەرەجەلەرىمەن تانىسۋ, ەكىنشى – نىساننىڭ ەرەجە تالاپتارىنا سايكەس دايىندىعى, ونىڭ قاتارىندا مىندەتتى الەۋمەتتىك قاشىقتىق, جۇمىس ورىندارىنداعى قاتاڭ سانيتاريالىق رەجىم جانە ت.ب. وتكەن جاعدايدا الۋ مۇمكىن بولادى. دايىندىق ۇدەرىسى اياقتالعاننان كەيىن – infoalmaty.kz سايتىنا تىركەلەدى جانە نىسان ەرەجەنىڭ تالاپتارىنا سايكەس, دايىن ەكەنىن راستايدى, سونداي-اق كاسىپورىنداردا ەلەكتروندىق تسيفرلىق قول قويىلعان حابارلاماعا قول قويۋ ارقىلى بەكىتىلگەن نورمالاردىڭ ساقتالۋىنا كەپىلدىك بەرەدى.
جۇمىس ورىندارىنا تىكەلەي قاجەتتى جۇمىسشىلار سانىن اتالعان ۇيىمداردىڭ باسشىلارى وزدەرى بەلگىلەيدى.
قىزمەتىنە رۇقسات بەرىلگەن ۇيىمداردىڭ وبلىستا تۇراتىن قىزمەتكەرلەرىنە قالاعا كىرۋگە جانە شىعۋعا رۇقسات بەرىلەدى. قالاعا كىرۋدىڭ مىندەتتى شارتى قىزمەتكەرلەردىڭ دەرەكتەرىن infoalmaty.kz بازاسىنا ەنگىزۋ.
الماتى
