مۇنداعى ماقساتى – كۇندەلىكتى تۇرمىستا, كاسىپتە, ءتۇرلى رەسمي شارالاردا, قوعامنىڭ ءتۇرلى الەۋمەتتىك سالالارىندا قازاق ءتىلىن پايدالانۋ مەن ونىڭ قولدانىس اياسىن كەڭەيتۋ ءۇشىن زاماناۋي ءتىل مەڭگەرۋ ادىستەرىنىڭ قاعيداتتارى نەگىزىندە ءتىلدى جىلدام ءارى وڭاي مەڭگەرۋدىڭ ءتۇرلى تاسىلدەرى بويىنشا وڭىرلەردە قازاق ءتىلىن وقىتىپ, ۇيرەتىپ جۇرگەن وقىتۋشىلار مەن ۇستازدارعا ادىستەمەلىك كومەك, قولداۋ كورسەتۋ.
كەزەكتى ونلاين دارىستەردى شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ باستاپ, نازارباەۆ ۋنيۆەرسيتەتى قازاق جانە تۇركولوگيا دەپارتامەنتىنىڭ پروفەسسورى, فيلولوگيا عىلىمدارىنىڭ دوكتورى زەينەحان كۇزەكوۆا, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى تاڭات اياپوۆا, ى.التىنسارين اتىنداعى ۇلتتىق ءبىلىم اكادەمياسىنىڭ جەتەكشى عىلىمي قىزمەتكەرى, فيلولوگيا عىلىمدارىنىڭ كانديداتى الماگۇل مۇقىشەۆا جۇرگىزەدى.
ونلاين دارىسكە ەلىمىزدىڭ بارلىق وڭىرلەرىندەگى ءتىل باسقارمالارى مەن وقىتۋ ورتالىقتارىنىڭ باسشىلارى, ادىسكەرلەرى, وقىتۋشىلارى, سونىمەن قاتار جوعارى وقۋ ورىندارىنىڭ ءتىل ماماندارى, ماگيسترانتتارى مەن دوكتورانتتارى قاتىسادى. ءدارىس فەيسبۋك جەلىسىندەگى ONLINE-da bol پاراقشاسىندا تىكلەي ەفيردە كورسەتىلەدى.
