ونىڭ ايتۋىنا قاراعاندا, ەل تۇرعىندارى ىندەتكە قارسى تولىققاندى يممۋنيتەت قالىپتاستىرىپ ۇلگەرمەگەندىكتەن دەرتتى جۇقتىرۋ ىقتيمالدىعى باسىم. دەمەك, ىندەتتىڭ ەكىنشى تولقىنى پايدا بولعان جاعدايدا وعان توتەپ بەرۋ بۇدان دا قيىن بولۋى مۇمكىن ەكەن.
سول سەبەپتى قىتايلىق دارىگەر ۇكىمەتكە بوساڭسۋعا بولمايتىنى جايلى ەسكەرتۋدە. قازىرگى تاڭدا اتالمىش ەلدە ىندەت جۇقتىرعان ادامداردىڭ دەنى ساۋىققانىمەن دۇنيە جۇزىندە Covid-19 ۆيرۋسىن جۇقتىرعاندار سانى 4 ملن 507 مىڭ 870 ادامعا جەتسە, ولاردان 312 مىڭ 345 ادام باقيلىق بولىپ, 1 ملن 810 مىڭ 119 ادام جازىلىپ شىققان.
ىندەت ەڭ كوپ تاراعان ەل اقش. مۇندا 1 ملن 507 مىڭ 861 ادام دەرت جۇقتىرعان. كەلەسى كەزەكتە يسپانيادا 276 505 ادام اۋىرىپ جاتسا, بىزبەن كورشى رەسەي ەلىندە 272 043 جاعداي تىركەلگەن كورىنەدى.
