بۇل تاعى 34,2 مىڭ ادامدى جۇمىسپەن قامتۋعا مۇمكىندىك بەرەدى. بۇل رەتتە, قالادا كارانتيندىك شارالار ءالى دە جالعاسۋدا.
تۋروپەراتورلاردىڭ, ۇيالى بايلانىستىڭ ابونەنتتىك بولىمشەلەرىنىڭ جانە قارجى سەكتورى كومپانيالارىنىڭ جۇمىسى كەلەسى الگوريتمدى ورىنداۋ شارتىمەن عانا مۇمكىن بولادى: 1 - الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنىڭ ەرەجەلەرىمەن تانىسۋ; 2 - مىندەتتى الەۋمەتتىك قاشىقتىق, جۇمىس ورىندارىنداعى قاتاڭ سانيتارلىق رەجيم جانە ت. ب. ەرەجەلەر تالاپتارىنا سايكەس نىساندى دايىنداۋ.
دايىندىق جۇمىستارى ءساتتى اياقتالعاننان كەيىن infoalmaty.kz سايتىندا تىركەلىپ, نىساننىڭ ەرەجەلەردىڭ تالاپتارىنا سايكەس دايىندالعانىن راستاۋ جانە ەلەكتروندى تسيفرلىق قولتاڭبامەن حابارلاماعا قول قويۋ ارقىلى كاسىپورىندا جازىلعان نورمالاردىڭ ساقتالۋىنا كەپىلدىك بەرەدى.
تىكەلەي جۇمىس ورنىندا قاجەت بولاتىن قىزمەتكەرلەر سانىن وسى ۇيىمداردىڭ جەتەكشىلەرى دەربەس انىقتايدى.
ەستەرىڭىزگە سالا كەتسەك, بۇعان دەيىن الماتى قالاسىندا اۋديت وتكەن جاعدايدا جەكە تۇرعان سۇلۋلىق سالوندارى مەن ءبىلىم بەرۋ ورتالىقتارى, ونەركاسىپ جانە قۇرىلىس سالاسىنداعى وبەكتىلەر, جوبالاۋ ۇيىمدارى, سونداي-اق كەلەسى قىزمەت تۇرلەرىن جۇزەگە اسىراتىن كاسىپورىندار قىزمەتىنەن شەكتەۋلەر الىنىپ تاستالعان بولاتىن: ۇيگە جەتكىزۋ قىزمەتى, تجو, شينومونتاج, كولىك جۋ جانە اۆتوسالوندار, ۇيىمداستىرۋ تەحنيكاسىن جوندەۋ جانە جارناما اگەنتتىكتەرى.
سانيتارلىق-ەپيدەميولوگيالىق تالاپتاردى ووىنداپ جانە اۋديت تەكسەرىسىنەن وتپەي جۇمىستى كولىك جانە قويمالاۋ, اقپارات جانە بايلانىس, قارجى قىزمەتتەرى (50% - ەدب, ميكروقارجى ۇيىمدارى, ساقتاندىرۋ كومپانيالارى, بروكەرلەر, لومباردتار, ايىرباستاۋ پۋنكتتەرى), بيزنەسكە ارنالعان كاسىبي قىزمەتتەر, سونداي-اق كەيبىر قىزمەت تۇرلەرى: فوتوسالوندار مەن گۇل پاۆيلوندارى, شاشتارازدار, جىلجىمايتىن م ۇلىكپەن جاسالاتىن وپەراتسيالار جونىندەگى كومپانيالار, باسپا قىزمەتى, اياق كيىم جوندەۋ جانە حيميالىق تازالاۋ, كىر جۋ, 500 ش.م. دەيىن ازىق-ت ۇلىكتىك ەمەس دۇكەندەر (سو, سوك جانە ت. ب.).
سونداي-اق, 25 مامىردان باستاپ الماتى قالاسىندا قوناق ءۇي كەشەندەرىن, قوعامدىق تاماقتاندىرۋ وبەكتىلەرىن, سو, سوك جانە ت.ب. كەزەڭ-كەزەڭمەن اشۋ ماسەلەسى قاراستىرىلۋدا. بۇل قالاداعى ەپيدەميولوگيالىق جاعدايعا بايلانىستى مۇمكىن بولادى.
اتالعان نىسانداردى ىسكە قوسۋ الگوريتمى بويىنشا اقپارات قوسىمشا ۇسىنىلاتىن بولادى.
