توتەنشە وقيعا قورعالجىن اۋدانىنداعى سابىندى اۋىلىنان 8 شاقىرىم جەردە ورىن العان. وقيعا كۋاگەرلەرىنىڭ ايتۋىنا قاراعاندا, بەس ستۋدەنت نۇرا وزەنىنە سۋعا تۇسۋگە بارعان. 2002 جىلى تۋعان ءجاسوسپىرىم سۋدا شومىلىپ ءجۇرىپ, جاعالاۋدان تىم الىستاپ كەتكەنىن بايقاماي قالعان بولۋى كەرەك.
– دەپارتامەنتتىڭ سۋدان قۇتقارۋ وتريادىنىڭ سۇڭۋىرلەرى ىلە اۋدانعا جىبەرىلدى. ىزدەستىرۋ جۇمىستارى ناتيجەسىندە ءجاسوسپىرىمنىڭ دەنەسى تابىلىپ, سۋدان شىعارىلدى. مارقۇمنىڭ نۇر-سۇلتان قالاسىنداعى كوللەدجدە وقيتىنى بەلگىلى بولدى,- دەيدى وبلىستىق توتەنشە جاعدايلار جونىندەگى دەپارتامەنتىنىڭ باستىعى الەكسەي سوۆەتوۆ.
ششۋچينسك قالاسىنداعى 4 قاباتتى تۇرعىن ۇيدەن ءورت شىققان. 50 شارشى مەتر اۋماقتى شارپىعان جالىندى اۋىزدىقتاۋعا 2 تەحنيكا مەن 11 ءورت ءسوندىرۋشى جۇمىلدىرىلعان.
– ءورت ءسوندىرۋ بارىسىندا اس بولمەدەن ەكى ادامنىڭ ءمايىتى تابىلدى. 1967 جىلعى ەر ادام مەن 1979 جىلى تۋعان ايەل. قىزىنىڭ ايتۋىنشا, اتا-انالارى تەمەكى تارتادى ەكەن. سوندىقتان, ءورتتىڭ شىعۋىنا تەمەكى تۇقىلى سەبەپ بولۋى ابدەن مۇمكىن,–دەيدى دەپارتامەنت باستىعى الەكسەي سوۆەتوۆ.
وتكەن جىلى وبلىس اۋماعىندا 22 ادام سۋعا كەتكەن بولاتىن. جىل باسىنان بەرى ءورت سالدارىنان 10 ادام قازا تاپقان. نەسىن ايتاسىز, قانشاما ادامنىڭ اجالى وت پەن سۋدان بولىپ تۇر.
