ەلامان اقساقال ىشكى ىستەر ورگاندارىندا وتىز جىلعا جۋىق قىزمەت ەتكەن ەكەن. پولكوۆنيك شەنىندە زەينەتكە شىققان. قوس ۇلى دا اكە ءىزىن جالعاپ, قۇقىق قورعاۋ سالاسىنا ەڭبەك ەتۋدە. ءبىرى – كاپيتان, ەكىنشىسى – مايور. ءبىر قىزىعى ەلامان نۇرلان ۇلىنىڭ كۇيەۋ بالاسى دا پوليتسيا قىزمەتكەرى. قازىر زەينەتتە.
– ءبارىمىز ىشكى ىستەر سالاسىندا قىزمەت ىستەدىك. ءبىزدىڭ ءىزىمىزدى باۋىرلارىمىز, بالالارىمىز, قارىنداستارىمىز جالعاستىرىپ جاتقانىنا ءدان ريزامىز,- دەيدى وتستاۆكاداعى پودپولكوۆنيك ەرتاي جۇماجان.
اۋلەتتىڭ نەمەرەسى – ەدىل ەرتاي ۇلى دا اتا جولىن قۋعان. قالالىق پوليتسيا باسقارماسىندا تەرگەۋ ءبولىمىن باسقارادى. اعا لەيتەنانت. بۇل ماماندىقتى جۇرەك قالاۋىمەن تاڭداعان.
– اكەم مەن اتامنىڭ ىشكى ىستەر ورگاندارىندا قىزمەت ەتۋى مەنىڭ دە بۇل سالاعا كەلۋىمە ىقپال ەتتى. ولاردىڭ ونەگەسىن ۇعىپ, ۇلگىسىن الدىم,- دەيدى قالالىق پوليتسيا باسقارماسىنىڭ ءبولىم باستىعى, اعا لەيتەنانت ەدىل جۇماجان.
ەدىلدىڭ ناعاشى اتاسى ەكىنشى دۇنيەجۇزىلىك سوعىسقا قاتىسىپ, «قىزىل جۇلدىز» وردەنىمەن ماراپاتتالعان جاۋىنگەر. ارتىندا قالعان اۋلەتتەن جالپى سانى 10 پوليتسەي شىققان. وسىلايشا, باتىر ۇرپاعى وتان الدىنداعى ازاماتتىق بورىشىن ادال ۇستانىپ كەلەدى.
اقمولا وبلىسى
