بۇعان دەيىن حابارلاعانداي, تولەمدى ەسەپتەۋ ءۇشىن العاشقى اي رەتىندە 16 ناۋرىزدان باستاپ 15 ءساۋىر ارالىعى الىنادى. قازىرگى توتەنشە جاعداي بويىنشا ەكىنشى اي 16 ساۋىردەن 11 مامىرعا دەيىن.
جوعارىدا ايتىلعاندارعا سايكەس, 16 ساۋىرگە دەيىن ءوتىنىش بەرگەن ازاماتتار (الەۋمەتتىك جاردەماقىلار تاعايىنداۋ قاشان جاسالعانىنا قاراماستان), توتەنشە جاعداي كەزىندە تابىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان تولەمدەر تاعايىنداۋ ەرەجەسىندە كورسەتىلگەن شارتتاردى ساقتاي وتىرىپ, «42 500 تەڭگە» تولەمگە ەكىنشى ايدا ۇمىتكەر بولا الادى. 16 ساۋىردەن باستاپ 11 مامىر كۇنى ساعات 18.00-گە دەيىن ءوتىنىش بەرگەن ازاماتتار ءبىر رەت تولەم الۋعا ۇمىتكەر بولا الادى.
ەستەرىڭىزگە سالا كەتەيىك, توتەنشە جاعداي رەجيمىنىڭ توقتاتىلۋىنا بايلانىستى 2020 جىلعى 11 مامىردا ساعات 18.00-دەن باستاپ «42 500 تەڭگە» تولەمىن تاعايىنداۋعا جاڭا وتىنىشتەردى قابىلداۋ اياقتالدى.
جوعارىدا كورسەتىلگەن مەرزىمگە دەيىن كەلىپ تۇسكەن بارلىق وتىنىشتەر بەلگىلەنگەن تارتىپپەن قارالاتىن بولادى جانە ءوتىنىش توتەنشە جاعداي كەزىندە تابىسىنان ايىرىلۋىنا بايلانىستى ماسق-تان تولەمدەر تاعايىنداۋ قاعيدالارىندا كورسەتىلگەن شارتتارعا سايكەس كەلگەن جاعدايدا «42 500 تەڭگە» الەۋمەتتىك تولەم تاعايىندالادى جانە تولەنەدى.
بۇرىن بەرىلگەن ءوتىنىشتى قاراۋ مارتەبەسىن 42500.enbek.kz سايتىندا بىلۋگە بولادى.
«42 500 تەڭگە» تولەمى ەنگىزىلگەن ساتتەن باستاپ ونى 4,5 ملن ادام الدى.
