ايتۋلى جارىستىڭ تۇساۋى 1989 جىلى كەسىلدى. نيدەرلاندتا ۇيىمداستىرىلعان تۇڭعىش تۋرنير برازيليا قۇراماسىنىڭ جەڭىسىمەن اياقتالدى. ودان كەيىن دوپ دوداسى تاعى جەتى مارتە ءوتتى. وڭتۇستىك امەريكانىڭ وعلاندارى تاعى ءتورت مارتە (1992, 1996, 2008, 2012) توپ جارسا, يسپانيانىڭ فۋتزالشىلارى ەكى رەت (2000, 2004) دارا شىقتى. سوڭعى جارىستىڭ جالاۋى وسىدان ءتورت جىل بۇرىن كولۋمبيادا جەلبىرەدى. بۇل تارتىستا ارگەنتينانىڭ اسىعى الشىسىنان ءتۇستى. فينالدا ولار رەسەيدى 5:4 ەسەبىمەن ۇتتى. قولا مەدال يرانعا بۇيىردى.
قازاقستان قۇراماسى الەم چەمپيوناتىنا ەكى رەت قاتىستى. 2000 جىلى توپتىق تۋرنيردە سۇرىنسەك, 2016 جىلى بۇل مەجەدەن كەدەرگىسىز وتتىك. العاشقى كەزەڭدە ارگەنتيناعا جول بەرگەنىمىزبەن, كوستا-ريكا مەن سولومون ارالدارى وكىلدەرىن ويسىراتا ۇتتىق. بىراق ودان ارىگە بارا المادىق. 1/8 فينالدا جەرلەستەرىمىز يسپانياعا ەسە جىبەردى.
