باستاپقىدا مامىر ايىندا وتەدى دەپ جوسپارلانعان قۇرلىقتىق تۋردىڭ كەزەڭدىك سايىستارى كوروناۆيرۋستىڭ كەسىرىنەن كەيىنگە شەگەرىلگەنى بەلگىلى. ەندى ايتۋلى جارىستىڭ العاشقى كەزەڭى 11 تامىزدا فينليانديانىڭ تۋركۋ قالاسىندا ۇيىمداستىرىلادى دەپ كوزدەلۋدە. ودان كەيىنگى باسەكەلەردى ماجارستاننىڭ سەكەشفەحەرۆار (20 تامىز), پولشانىڭ سيلەزيا (6 قىركۇيەك), چەحيانىڭ وستراۆا (8 قىركۇيەك), حورۆاتيانىڭ زاگرەب (15 قىركۇيەك) جانە كەنيانىڭ ءنايروبيى (26 قىركۇيەك) قابىلدايدى. جاپونيانىڭ توكيوسى مەن قىتايدىڭ نانجينىندە دە جارىستار وتكىزۋ جوسپارلانۋدا.
سونىمەن قاتار بيىل پولشادا جارتىلاي مارافوننان الەم چەمپيوناتى ۇيىمداستىرىلادى. ال World Athletics Series ساناتىنداعى وزگە باسەكەلەردىڭ بارلىعى دا كەلەسى جىلى وتەدى.
