شىن مانىندە توتەنشە جاعدايدا جەكە كاسىپكەرلىك پەن بيزنەس سالاسى بۇرىن-سوڭدى بولماعان داعدارىسپەن بەتپە-بەت كەلدى. سوندىقتان ەل ەكونوميكاسىنىڭ نەگىزگى وزەگىنە اينالعان ءوندىرىس ورىندارى مەن شاعىن جانە ورتا بيزنەس سالاسىنا مەملەكەتتىك قولداۋ ودان ءارى جالعاسىن تاپپاق.
مەملەكەت باسشىسىنىڭ ەلىمىزدىڭ يندۋستريالاندىرۋ سالاسىنداعى ساياساتتى قايتا قاراپ, ونى قازىرگى الەمدىك نارىق پەن ىشكى نارىقتىڭ سۇرانىسىنا يكەمدەۋ تۋرالى تاپسىرمالار بەرۋىن وتە ماڭىزدى شەشىم دەپ بىلەمىز. سونداي-اق مەملەكەتتىك جانە كۆازيمەملەكەتتىك ساتىپ الۋ جۇيەسىن وتاندىق ەكونوميكالىق بەلسەندىلىكتى ارتتىرۋ قۇرالى رەتىندە پايدالانۋ كەرەك دەگەن شەشىمى دە قۇپتارلىق.
پرەزيدەنت ازىق-ت ۇلىك قاۋىپسىزدىگى ماسەلەسى ماڭىزدىلىعىنا ەرەكشە توقتالىپ ءوتتى. پاندەميا ىشكى نارىقتى ازىق-ت ۇلىكپەن قامتاماسىز ەتۋدە يمپورتقا تاۋەلدىلىككە جول بەرۋگە بولمايتىنىن ايقىن كورسەتىپ بەردى. ازىق-ت ۇلىك – ادامنىڭ باستى قاجەتتىلىكتەرىنىڭ ءبىرى. ەلىمىزدە ەت, ءسۇت, ۇن تاعى سول سياقتى حالىق كوپ تۇتىناتىن تاۋار تۇرلەرىمەن ءوز-ءوزىمىزدى تولىق قامتاماسىز ەتە الاتىنداي ءوندىرىس كولەمى بار. الايدا اۋىل شارۋاشىلىعى ونىمدەرىن وڭدەۋ ماسەلەسىن تيىسىنشە جولعا قويا الماي كەلە جاتقانىمىز بەلگىلى. بۇل – ەلىمىزدىڭ ازىق-ت ۇلىك قاۋىپسىزدىگىنە قاتەر توندىرەتىن فاكتور. قازاقستاننىڭ اۋىلشارۋاشىلىق ءوندىرىس كەشەنىن دامىتۋ الەۋەتى اسا جوعارى. سوندىقتان پرەزيدەنت اۋىل شارۋاشىلىعى سالاسىنا ەرەكشە كوڭىل بولۋدە. ەڭ الدىمەن, بۇل سالادا كەشەندى ستراتەگيالىق باعدارلامالار ازىرلەنىپ, جۇزەگە اسىرىلۋى ءتيىس. اسىرەسە اۋىل شارۋاشىلىعى تاۋارلارىن وڭدەۋ ونەركاسىبىن دامىتۋدى مىقتاپ قولعا الۋ قاجەت.
اۋىل شارۋاشىلىعى سالاسىنا قولداۋ بۇدان ءارى ارتا تۇسپەك. وسى ۋاقىتقا دەيىن ەكونوميكالىق اينالىمنان تىس, مەملەكەتتىك باقىلاۋ مەن قولداۋدان ادا, ءوز بەتىنشە دامىپ كەلە جاتقان قوسالقى شاعىن شارۋاشىلىقتار ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسياسى جۇزەگە اسىراتىن شارالار شەڭبەرىندە قولعا الىناتىن بولدى. وسى ارقىلى اۋىل شارۋاشىلىعى سالاسىنداعى قانشاما جىلدان بەرگى كۇرمەۋى قيىن ماسەلە شەشىمىن تابادى دەپ سەنەمىز. قوسالقى شاعىن شارۋاشىلىقتاردىڭ دامۋى اۋىلدارداعى تۇرعىنداردى جۇمىسپەن قامتۋ ماسەلەسىنە دە وڭ اسەرىن تيگىزەدى دەپ بىلەمىز.
پرەزيدەنت قاسىم-جومارت توقاەۆتىڭ مالىمدەمەسى تۇرعىنداردى الەۋمەتتىك قورعاۋ, تۇرعىن ۇيمەن قامتاماسىز ەتۋ, جۇمىسپەن قامتۋ, سالىق جۇيەسىن وڭتايلاندىرۋ, قارجى سالاسىن رەتتەۋ, ءبىلىم بەرۋ مەن عىلىمدى دامىتۋ سياقتى كۇردەلى سالالارداعى وزەكتى ماسەلەلەردى قامتىدى. ءبىر سوزبەن ايتقاندا, ەل ازاماتتارىنىڭ ءومىرى مەن دەنساۋلىعىن ساقتاۋ, تابىسىن ارتتىرۋ, بيزنەستى قولداۋ جانە ونى دامىتۋ, ءبىلىم جانە عىلىم جۇيەسىن جەتىلدىرۋ مالىمدەمەنىڭ نەگىزگى وزەگى بولدى. اتالعان سالالاردىڭ بارلىعىندا وڭ وزگەرىستەرگە باستايتىن ناقتى باعدارلامالار ىسكە قوسىلىپ, ەل ەكونوميكاسىنىڭ پاندەميا تۋدىرعان داعدارىستان كەيىن قالپىنا كەلىپ, قارقىندى دامۋ جولىنا تۇسەرىنە كامىل سەنەمىز. مەملەكەت باسشىسى ۇسىنعان ەكونوميكانى ساۋىقتىرۋ شارالارى ەل بولاشاعىنىڭ كەپىلى بولارى انىق.
ءالي بەكتاەۆ,
«اۋىل» حالىقتىق دەموكراتيالىق پارتياسىنىڭ توراعاسى, پارلامەنت سەناتىنىڭ دەپۋتاتى
