ەنەرگەتيكا ءمينيسترىنىڭ ايتۋىنشا, ەسەپتى كەزەڭدە مۇناي ءوندىرۋ كولەمى 31,3 ملن توننانى قۇرادى, بۇل جوسپاردىڭ 102,6%-ى نەمەسە 2019 جىلدىڭ سايكەس كەزەڭىمەن سالىستىرعاندا 106% قۇرايدى. ماسەلەن, تەڭىز كەن ورنىندا مۇناي ءوندىرۋ ءوسىمى 4,1%-دى, قاشاعاندا — 11,5%-دى, قاراشىعاناقتا ءوندىرۋ كولەمى ءبىر دەڭگەيدە ساقتالىپ وتىر.
مۇناي وڭدەۋ كولەمى 5,2 ملن توننانى قۇرادى, بۇل جوسپاردىڭ 96,3%-ىن قۇرايدى.
«بۇل ءساۋىر ايىندا پاۆلودار مۇناي وڭدەۋ زاۋىتىنىڭ جوسپارلى جوندەۋ جۇمىستارىنا بايلانىستى قىزمەتىن ۋاقىتشا توقتاتۋىنا بايلانىستى», — دەپ ءتۇسىندىردى ن. نوعاەۆ.
سونىمەن قاتار, ءمينيستردىڭ ايتۋىنشا, قازاقستاندىق ءموز جۇمىسىنا رەسەي فەدەراتسياسىنان جانار-جاعار ماي ماتەريالدارى يمپورتى, قازاقستاننان الىس جانە تاياۋ شەتەلدەرگە ججم ەكسپورتىن قامتاماسىز ەتۋ, كەدەن باجدارى مەن اكتسيزدەردى رەتتەۋ, بەنزين مەن ديزەل وتىنىن مەملەكەتتىك ماتەريالدىق رەزەرۆكە الۋ تۇرعىسىنان مەملەكەتتىك كوميسسيانىڭ شەشىمدەرى وڭ اسەر ەتتى.
مۇناي ەكسپورتى 25,3 ملن توننانى قۇرادى, بۇل جوسپاردىڭ 115%-ىن قۇرايدى. گاز ءوندىرۋ 20,2 ملرد م3 قۇرادى, بۇل جوسپاردىڭ 103% قۇرايدى. تابيعي گاز ەكسپورتى 5,6 ملرد م3 قۇرادى.
وسى جىلدىڭ 4 ايىندا 37,1 ملرد كۆت/ساعات ءوندىرىلدى.«بۇگىنگى تاڭدا بارلىق وڭىرلەردە جىلىتۋ ماۋسىمى اياقتالدى. ماۋسىم اۋقىمدى اپاتسىز ءوتتى», — دەدى ن. نوعاەۆ.
مەملەكەت باسشىسىنىڭ اۋىل شارۋاشىلىعى تاۋارلارىن وندىرۋشىلەردى تومەن باعامەن وتىنمەن قامتاماسىز ەتۋ جونىندەگى تاپسىرماسىن ورىنداۋ اياسىندا 386 600 توننا ديزەل وتىنىن ساتۋ جوسپارلانعان بولاتىن. بۇگىنگى تاڭدا جوسپاردىڭ 75,5% ورىندالدى.
