وسىعان دەيىن قازاقستاندا بانكروتقا بايلانىستى ءىس قوزعاۋ بويىنشا موراتوري ەنگىزۋگە ۇكىمەتكە ۇسىنىس حات جولداعان ەدىم. نەگە دەسەڭىز, توتەنشە جاعدايدىڭ كۇردەلى كەزەڭىندە كəسىپكەرلەر بۇل داعدارىستان قالاي شىعاتىنىن بىلمەي الاڭداي باستادى.
توتەنشە جاعداي رەجىمى اياقتالىپ, ونىڭ سالدارلارىن رەتتەۋ وڭايعا تۇسپەيتىنى انىق. الايدا كوپتەگەن ۇيىمنىڭ اياعىنا نىق تۇرۋى اۋىر بولاتىنى قازىردىڭ وزىندە بايقالۋدا. بۇل كرەديتورلار بەرگەن وتىنىشتەردىڭ نەگىزىندە بانكروتتىق تۋرالى قوزعالعان ىستەردىڭ ارتۋىنا ىقپال ەتپەك. مۇنداي ارەكەتتەر ءىس جۇزىندە جۇمىس ىستەپ تۇرعان, بىراق تا داعدارىس سالدارىنان زارداپ شەككەن ۇيىمداردىڭ قارجىلىق جاعدايىن ودان سايىن ناشارلاتا تۇسەدى. سوندىقتان بۇل ماسەلەگە پرەزيدەنتتىڭ ارالاسۋى قاجەت جانە دەر كەزىندە قولعا الىنعان شارا دەپ ەسەپتەيمىز.
رۋستام ءجۇرسىنوۆ,
قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل
