دۇيسەنبى مەن جۇما ارالىعىندا ساعات 10.00-دەن 18.00-گە دەيىن كاسىپكەرلەر حقو-دا جىلجىمالى/جىلجىمايتىن م ۇلىكتىڭ كەپىل شارتىن جانە ونىڭ قوسىمشاسىن تىركەي الادى.
ازاماتتاردىڭ كوپتەپ جينالۋىن بولدىرماۋ ءۇشىن حقو تەك اكىمدىكتەن الدىن-الا بەرىلگەن, نەسيەلەندىرۋ بويىنشا وڭ شەشىم العان ۇيىمداردىڭ تىزىمىنە سايكەس جۇمىس ىستەيدى. ازاماتتارعا ارنالعان ۇكىمەت مەملەكەتتىك قىزمەتتەردىڭ ۋاقىتىلى ءارى ساپالى كورسەتىلۋى ءۇشىن بيزنەس وكىلدەرىنەن قۇجاتتاردىڭ تولىق پاكەتىن بىردەن ۇسىنۋعا كەڭەس بەرەدى جانە حقو-دا ەتسق مەن انىقتامالار بەرىلمەيتىنىن ەسكەرتەدى.
«12 مامىردان باستاپ حقو-عا تەك زاڭدى تۇلعالار بارا الادى. ال قالا تۇرعىندارى مەملەكەتتىك قىزمەتتەردى ونلاين رەجيمدە الۋدى جالعاستىرادى. قازىرگى تاڭدا مەملەكەتتىك قىزمەتتەردىڭ 80% - دان استامى egov.kz پورتالىندا قولجەتىمدى ەكەنىن ەسكەرتەمىن. پورتالدى پايدالانۋ ءۇشىن ەتسق بولۋى شارت. ەلەكتروندى تسيفرلىق قولتاڭبانى بۇگىندە پورتالدا قاشىقتان راسىمدەۋگە بولادى»,- دەدى «ازاماتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت قالاسى بويىنشا فيليال ديرەكتورى دانابەك يسابەكوۆ.
سانيتارلىق-ەپيدەميولوگيالىق رەجيمدى ساقتاۋ ماقساتىندا حقو-عا كەزەكتىڭ ۋاقىتىن برونداۋ ءۇشىن egov.kz پورتالى نەمەسە 1414 نومىرىنە قوڭىراۋ شالۋ ارقىلى بەلگىلۋگە بولادى. حالىققا قىزمەت كورسەتۋ ورتالىقتارىنا بارعان كەزدە قاشىقتىقتى ساقتاۋدى سۇرايمىز, مەديتسينالىق ماسكالاردىڭ بولۋى مىندەتتى.
اڭىقتاما: جۇمىس كەستەسى: دس-جم, 10.00- دەن 18.00-گە دەيىن ءۇزىلىسسىز.
زاڭدى تۇلعالارعا قىزمەت كورسەتەتىن حقو مەكەنجايلارى:
1. اباي اۋداندىق حقو, مادەلى قوجا كوش., 1/16گ
2. ءال-فارابي اۋداندىق حقو, ءا. جانگەلدين كوش., 13ا
3. ەڭبەكشى اۋداندىق حقو, شىعىس م.ا., 116/1
4. قاراتاۋ اۋداندىق حقو, ق. تولەمەتوۆ, كوش., 35
