بۇل ازاماتتاردىڭ حقو-دا كوپتەپ جينالۋىن بولدىرمايدى جانە ۆيرۋستى جۇقتىرۋ قاۋپىن جويادى, وسى رەتتە قىزمەت الۋشىلار دا ءوز ۋاقىتىن ۇنەمدەيدى. الدىن الا برونداۋسىز ەش قىزمەت كورسەتىلمەيدى.
دۇيسەنبى مەن جۇما ارالىعىندا ساعات 10.00-دەن 18.00-گە دەيىن مامانداندىرىلعان حقو-دا اۆتوكولىك يەلەرى ءوز اۆتوكولىكتەرىن قايتا تىركەپ, جۇرگىزۋشى كۋالىگىن الىپ, پراكتيكالىق ەمتيحان تاپسىرا الادى.
شىمكەنتتە بارلىعى 3 مامانداندىرىلعان حقو جۇمىس ىستەيدى. مامانداندىرىلعان حقو عيماراتىندا كولىك قۇرالىن تىركەۋگە جانە قايتا تىركەۋدەن وتكىزۋگە, جۇرگىزۋشى كۋالىگىن اۋىستىرۋعا بولادى. جۇرگىزۋشى كۋالىگىنە قوسىمشا كاتەگوريالار بويىنشا پراكتيكالىق ەمتيحان تاپسىرۋ جانە مەديتسينالىق تەكسەرىستەن ءوتۋ جۇمىستارى دوستىق مولتەك اۋدانىنداعى مامانداندىرىلعان حقو-دا عانا جۇزەگە اسىرىلادى.
سانيتارلىق-ەپيدەميولوگيالىق رەجيمدى ساقتاۋ ماقساتىندا اۆتوحقو-عا كەزەكتىڭ ۋاقىتىن برونداۋ ءۇشىن egov.kz پورتالى نەمەسە 1414 نومىرىنە قوڭىراۋ شالۋ ارقىلى بەلگىلۋگە بولادى. اۆتوحقو-عا بارعان كەزدە قاشىقتىقتى ساقتاۋدى سۇرايمىز, مەديتسينالىق ماسكالاردىڭ بولۋى مىندەتتى.
ەستەرىڭىزگە سالا كەتەيىك, ازاماتتار, سونداي-اق ەلەكتروندىق ۇكىمەت پورتالى ارقىلى جۇرگىزۋشى كۋالىگىن اۋىستىرىپ, اۆتوكولىگىن قايتا تىركەي الادى.
ايتا كەتەيىك, اۆتوحقو جۇمىسى توقتاتىلعان ساتتەن باستاپ, توتەنشە جاعداي كەزىندە ونلاين رەجيمىندە ازاماتتارعا 600 جۋىق جۇرگىزۋشى كۋالىگى بەرىلدى جانە اۆتوكولىكتى قايتا تىركەۋ بويىنشا 300 استام قىزمەت كورسەتىلدى.
انىقتاما: جۇمىس كەستەسى: دس-جم, 10.00- دەن 18.00-گە دەيىن ءۇزىلىسسىز.
مامانداندىرىلعان حقو مەكەنجايلارى:
№1 مامانداندىرىلعان حقو: دوستىق م.ا.
№2 ارنايى حقو: تاشكەنت اينالما جولى, 341.
№3 ارنايى حقو: قىزىلجار م.ا., جيدەلىبايسىن كوشەسى 92. «بەكجان-كومفورت»
