جامبىل وبلىسىندا تۇراقتى كارانتين رەجيمى ساقتالۋدا. بۇل تۋرالى وبلىس اكىمىنىڭ ورىنباسارى نۇرجان كالەندەروۆ وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە مالىمدەدى. ول ءبىرىنشى كەزەڭدە اعىمداعى جىلدىڭ 28 ساۋىرىنەن باستاپ بىرقاتار بيزنەس سۋبەكتىلەرى ءۇشىن شەكتەۋلەر الىنعانىن, ناتيجەسىندە 18 مىڭعا جۋىق ادام جۇمىسىن قايتا باستاعانىن ايتا كەلە, 11 مامىردان باستاپ كارانتيندىك شارالاردى جەڭىلدەتۋدىڭ ەكىنشى كەزەڭى ەنگىزىلەتىنىن, ءتيىستى شەشىمدى وبلىستىق جەدەل شتابتىڭ قابىلدايتىنىن جەتكىزدى. 11 مامىردان باستاپ سانيتارلىق-ەپيدەميولوگيالىق نورمالاردى قاتاڭ ساقتاي وتىرىپ, بىرقاتار نىسانداردىڭ جۇمىس ىستەۋىنە رۇقسات بەرۋ ۇسىنىلاتىن بولادى. تۇرمىستىق جانە ۇيىمداستىرۋ تەحنيكاسىن جوندەۋ بويىنشا سەرۆيس ورتالىقتارى, اقپاراتتىق-كوممۋنيكاتسيالىق تەحنولوگيالار كومپانيالارى, اۋدانى 500 م2 دەيىن ازىق-ت ۇلىك ەمەس دۇكەندەر, تۇرمىستىق تەحنيكا دۇكەندەرى, وپتيكا دۇكەندەر, فوتوسالوندار, گۇل ساتاتىن دۇكەندەر جانە دۇڭگىرشەكتەر, جىلجىمايتىن م ۇلىكپەن وپەراتسيالار بويىنشا كومپانيالار, جارناما اگەنتتىكتەرى, ساقتاندىرۋ كومپانيالارى, مەديتسينالىق ورتالىقتار تاڭعى 09.00-دەن كەشكى 18.00-گە دەيىن جۇمىس ىستەيتىن بولادى. «جامبىلدىقتارعا, سونداي-اق, كوشەدە سپورتتىق جاتتىعۋلار وتكىزۋگە رۇقسات ەتىلەدى. «تاراز – نۇر-سۇلتان – تاراز» باعىتى بويىنشا اۆيارەيستەر قايتا ىسكە قوسىلاتىن بولادى. الدىن-الا مالىمەتتەر بويىنشا, ەكىنشى كەزەڭدە
632 بيزنەس نىسانى اشىلىپ, 6470 ادام جۇمىسقا قايتا ورالادى. جۇمىستى قايتا باستاۋ ءۇشىن سانيتايزەرلەردىڭ, مەديتسينالىق ماسكالاردىڭ, قولعاپتاردىڭ بولۋى مىندەتتى شارت. شاشتارازدار مەن سۇلۋلىق سالوندارىنىڭ, بارلاردىڭ, تۇنگى جانە ويىن كلۋبتارىنىڭ, ساۋدا ورتالىقتارى مەن كينوتەاترلاردىڭ, سپورت عيماراتتارىنىڭ, مونشا, مەيرامحانالاردىڭ, كافەلەردىڭ, بازارلاردىڭ جانە قوعامدىق كولىكتەردىڭ جۇمىسىنا ءالى دە تىيىم سالىنعان. سونداي-اق, ويىن-ساۋىق, سپورتتىق جانە باسقا دا قوعامدىق ءىس-شارالاردى, كوپشىلىك جينالاتىن وتباسىلىق, ەستەلىك ءىس-شارالاردى وتكىزۋگە تىيىم سالىنادى. تۇرعىنداردىڭ تۇرعىلىقتى جەرلەرىنە جاقىن سەرۋەندەۋگە رۇقسات ەتىلەدى, بىراق ساياباقتار مەن سكۆەرلەردىڭ اشىلۋىنا تىيىم سالىنادى. وبلىس اۋماعىندا جانە تاراز قالاسى پەريمەترى بويىنشا اۆتوجولداردا, ەلدى مەكەندەردە بلوك-بەكەتتەر جۇمىس ىستەيتىن بولادى. كارانتيندىك شارالاردى جەڭىلدەتۋدىڭ كەلەسى كەزەڭى بويىنشا شەشىمدى وڭىردەگى قالىپتاسقان سانيتارلىق-ەپيدەميولوگيالىق جاعدايدى ەسكەرە وتىرىپ, وبلىستىق جەدەل شتاب قابىلدايدى», دەدى نۇرجان كالاندەروۆ.
سونىمەن قاتار بريفينگ بارىسىندا جامبىل وبلىسىنىڭ باس سانيتارلىق دارىگەرى عازيز نادۋەۆ وبلىس اۋماعىندا اعىمداعى جىلدىڭ 24 ناۋرىزى مەن 11 مامىرى ارالىعىندا 143 وشاقتا كوروناۆيرۋس ىندەتىنىڭ 179 جاعدايىنىڭ تىركەلگەنىن, سىرقاتتانۋشىلىق كورسەتكىشى 100 مىڭ تۇرعىنعا شاققاندا 15,5 پايىزدى قۇراعانىنى جەتكىزدى. باس سانيتارلىق دارىگەردىڭ ايتۋىنشا, كوروناۆيرۋستىق ينفەكتسيانىڭ بىرقاتار اۋماقتىق جاعدايلارى انىقتالعان. تاراز قالاسىندا 86 وقيعا, بايزاق اۋدانىندا 18, جامبىل اۋدانىندا 6, قورداي اۋدانى 37, مەركى اۋدانىندا 4, مويىنقۇم اۋدانى 1 جانە شۋ اۋدانىندا 2 جاعداي تىركەلگەن. سونداي-اق, 6 وقيعا ء«ۇندىستان – تاراز» رەيسىمەن وبلىس اۋماعىنا كەلگەن كەلگەن جولاۋشىلاردان انىقتالعان بولسا, 20 ءساۋىر كۇنى «اتىراۋ – شىمكەنت» رەيسىنەن 3 وقيعا, «اتىراۋ – تاراز» رەيسىنەن 4 جاعداي, 29 ءساۋىر كۇنى «اتىراۋ – تاراز» رەيسىنەن 9 وقيعا جانە 3 مامىردا «اتىراۋ – تاراز» رەيسىنەن 3 جاعداي انىقتالعان.
جامبىل وبلىسى
