«اينالىم كاپيتالدىق 8 پايىز جەڭىلدىكپەن نەسيەلەۋ جانە قاراپايىم زاتتار ەكونوميكاسى باعدارلاماسى بويىنشا جىلدىق 6 پروتسەنتپەن جەڭىلدىكپەن نەسيەلەۋ ۇلعايتۋ شەڭبەرىندە 1 ترلن تەڭگە بيۋدجەتتەن تىس قاراجات قاراستىرىلعان. 4,5 ملن ادام 2 اي ىشىندە 42,5 مىڭ تەڭگە تولەم الۋدا. بۇل ماقساتقا 380 ملرد تەڭگە مەملەكەتتىك الەۋمەتتىك ساقتاندىرۋ قورىنان كوزدەلگەن. تۇرعىن ءۇي قۇرىلىسىن 15 ملن شارشى مەترگە جەتكىزۋ ءۇشىن قوسىمشا 390 ملرد تەڭگە بيۋدجەتتەن تىس كوزدەن تارتىلادى», دەدى ءاليحان سمايىلوۆ.
ءمينيستردىڭ ايتۋىنشا, رەسپۋبليكالىق بيۋدجەتتىڭ سالىق كىرىستەرىنىڭ تومەندەۋىن وتەۋگە جانە ءتيىستى مەملەكەتتىك بارلىق الەۋمەتتىك مىندەتتەمەلەرىن ورىنداۋعا 1,7 ترلن تەڭگە بولىنەدى. ەكونوميكانىڭ زارداپ شەككەن سەكتورلارىنداعى شاعىن جانە ورتا بيزنەس سۋبەكتىلەرى مەن ءىرى بيزنەس وكىلدەرىنە ەڭبەكاقى تولەۋ بويىنشا سالىقتار مەن الىمداردى تولەۋدەن بوساتۋعا بايلانىستى جەرگىلىكتى بيۋدجەتتەردىڭ شىعىندارىن وتەۋگە 237 ملرد تەڭگە قاراستىرىلعان.
