11 مامىرعا دەيىن باتىس قازاقستان وبلىسى اۋماعىندا كوروناۆيرۋس ينفەكتسياسىمەن اۋىرعان 252 ادام تىركەلگەن ەكەن. ونىڭ 80,3%-ى, ياعني 203 ادام ىندەتتى باسقا جاقتان جۇقتىرىپ كەلگەن. تاراتىپ ايتساق, رەسەي فەدەراتسياسىنان – 158 ادام, گەرمانيادان – 1, اتىراۋ وبلىسىنان – 44 ادام اۋىرىپ كەلگەن. سونىڭ ىشىندە 43 ادام – «تەڭىزشەۆرويل» كومپانياسىنىڭ جۇمىسشىلارى. سونداي-اق ترانزيتتىك جۇك تاسىمالدالىمەن اينالىساتىن جۇرگىزۋشىلەر اراسىنان وزبەكستان رەسپۋبليكاسىنىڭ – 4, تاجىكستاننىڭ – 2, قىرعىزتاننىڭ – 1 ازاماتى ىندەت جۇقتىرىپ, ورالداعى جۇقپالىاۋرۋلار اۋرۋحاناسىندا ەمدەلىپ شىقتى.
بۇدان بولەك, جوعارىداعى ناۋقاستارمەن قارىم-قاتىناستا بولىپ, ىندەت جۇقتىرعان باتىسقازاقستاندىقتاردىڭ سانى – 49 بولعان. مۇنىڭ باسىم كوپشىلىگى, ياعني 41-ءى – مەديتسينا قىزمەتكەرى. وبلىستا 100 مىڭ تۇرعىنعا شاققاندا سىرقاتتانۋشىلىق كورسەتكىشى 38,4 قۇراعان.
- بۇگىنگى تاڭدا «تەڭىزشەۆرويل» كومپانياسىنان وبلىسىمىزعا 2050 ازامات كەلدى. قازىر 1195 ادام ءۇي جاعدايىندا وقشاۋلانعان, ولارعا دارىگەرلەر كۇن سايىن قوڭىراۋ شالىپ, حال-جاعدايىن ءبىلىپ وتىر. 561 ادامدا ينكۋباتسيالىق كەزەڭ اياقتالدى, - دەيدى نۇرلىبەك مۇستاەۆ.
بۇگىنگە دەيىن باتىس قازاقستان وبلىسىندا ىندەتتەن 96 ادام جازىلىپ شىقتى. ولار اۋرۋحانادان شىققان سوڭ تاعى 14 كۇن بويى ءۇي وقشاۋلاۋىندا, مەديتسينالىق قىزمەتكەرلەردىڭ باقىلاۋىندا بولادى.
باتىس قازاقستان
