«ۇكىمەت ەلدەگى الەۋمەتتىك-ەكونوميكالىق تۇراقتىلىق پەن جۇمىسپەن قامتۋعا باعىتتالعان داعدارىسقا قارسى شارالاردى ىسكە اسىرۋعا 5,9 ترلن تەڭگەنى باعىتتايدى. بۇل قاراجات رەسپۋبليكالىق بيۋدجەت ەسەبىنەن 3,4 ترلن تەڭگەگە جانە بيۋدجەتتەن تىس قاراجات ەسەبىنەن 2,5 ترلن تەڭگەگە قامتاماسىز ەتىلدى. نەگىزىنەن شىعىندار حالىقتى جۇمىسپەن قامتۋدى ۇلعايتۋعا اي سايىنعى كىرىستەردى جوعالتۋىنا بايلانىستى تولەمدەرگە, الەۋمەتتىك تولەمدەرگە, تۇرعىن ءۇي قۇرىلىسىنا جانە مەملەكەت باسشىسىنىڭ باسقا دا تاپسىرمالارى بويىنشا باعىتتالادى», دەدى ءاليحان سمايىلوۆ.
ونىڭ ايتۋىنشا, جۇمىسپەن قامتۋدىڭ جول كارتاسىن قارجىلاندىرۋعا 1 ترلن تەڭگە قاراستىرىلعان. ونىڭ ىشىندە رەسپۋبليكالىق بيۋدجەت قاراجاتى ەسەبىنەن - 300 ملرد تەڭگە, بيۋدجەتتتەن تىس قاراجات - 700 ملرد تەڭگە. وسى قاراجات شەڭبەرىندە وڭىرلەردە ينفراقۇرىلىمدىق جوبالار ىسكە اسىرىلاتىن بولادى. سونداي-اق 255 مىڭ جۇمىس ورنى قۇرىلادى.
