1 مامىردان باستاپ نۇر-سۇلتان, الماتى قالالارىنان وسكەمەن, سەمەي, پاۆلودار, قىزىلوردا جانە پەتروپاۆل قالالارى اراسىندا اۋە رەيستەرى قالپىنا كەلتىرىلگەن ەدى.
ە. توعجانوۆتىڭ حابارلاۋىنشا, بۇگىننەن باستاپ پرەزيدەنتتىڭ شەشىمى بويىنشا اۋە قاتىناسى ەلىمىزدىڭ تاعى 7 قالاسىنا ‒ اقتوبە, قاراعاندى, كوكشەتاۋ, قوستاناي, پاۆلودار, تاراز, تالدىقورعان قالالارىنا اشىلادى.
سونداي-اق ىشكى اۋە قاتىناستارى ءۇشىن پتر-تەست تاپسىرۋ ماسەلەسى قوعامدىق تالقىعا ءتۇستى. بۇگىننەن باستاپ مۇنداي تالاپ بولمايدى.
«بۇل اۋقىمدى سكرينينگتىڭ اياقتالىپ جاتقانىنا بايلانىستى, ەلىمىزدە كوروناۆيرۋسقا 400 مىڭعا جۋىق تەست جۇرگىزىلدى. مەملەكەت باسشىسى اتاپ وتكەندەي, بۇل ءىستىڭ وبەكتيۆتى جاي-كۇيىن انىقتاۋعا جانە قازاقستاندىقتاردى ەمدەۋ بويىنشا قاجەتتى شارالاردى قولدانۋعا مۇمكىندىك بەردى», — دەدى ە. توعجانوۆ.
دەگەنمەن, ۇشۋ كەزىندەگى سانيتارلىق باقىلاۋ بۇرىنعىسىنشا ساقتالادى: جولاۋشىلاردىڭ دەنە تەمپەراتۋراسىن ولشەۋ, وتىرعىزۋ جانە ۇشاقتان شىعۋ كەزىندەگى الەۋمەتتىك قاشىقتىق جانە ماسكا تاعۋ.
وسى كەزەڭدە تەمىر جول كولىگىندە ءجۇرىپ-تۇرۋ قاراستىرىلماعان.
«باقىلاۋ بەكەتتەرىنىڭ جۇمىسىنا قاتىستى سۇراقتار دا كوپتەپ ءتۇسىپ جاتىر. تج رەجيمى توقتاتىلعانىنا قاراماستان, ولار ءالى دە ارەكەت ەتىپ تۇرادى. الايدا, قالا ماڭىندا تۇراتىن, بىراق قالادا جۇمىس ىستەيتىن جانە كەرىسىنشە قالادا تۇرىپ, قالا شەتىندە جۇمىس ىستەيتىن ازاماتتار وڭىرلەر اكىمدىكتەرىنىڭ بەكىتىلگەن ءتىزىمى بويىنشا بلوكپوستتاردان وتە الادى», — دەپ اتاپ ءوتتى ۆيتسە-پرەمەر.
ءبىلىم سالاسىنا توقتالار بولساق, 3,3 ملن وقۋشىنى جانە جوو-لار مەن كوللەدجدەردىڭ 1 ملن ستۋدەنتىن قاشىقتان وقىتۋ وقۋ جىلىنىڭ سوڭىنا دەيىن جالعاسادى. اتتەستاتتاردى تابىستاۋ مەن سوڭعى قوڭىراۋ مەكتەپتەردە 3-4 ماۋسىمدا اشىق الاڭدا, سانيتارلىق نورمالاردى قاتاڭ ساقتاي وتىرىپ, شەكتەۋلى ادامدار سانىمەن وتكىزىلەدى. ايتا كەتەيىك, ۇبت-نى 20 ماۋسىمنان باستاپ 168 پۋنكت بازاسىندا قاتاڭ سانيتارلىق ەرەجەلەردى ساقتاي وتىرىپ, شتاتتىق رەجيمدە وتكىزۋ جوسپارلانعان.
