ساپار مەرەكەمەن تۇسپا-تۇس كەلگەندىكتەن قالالىق كاسىپكەرلەر پالاتاسىنىڭ وڭىرلىك كەڭەس توراعاسى قايرات مولداسەيتوۆ پەن شىمكەنت قالاسىنىڭ كاسىپكەرلەر پالاتاسىنىڭ ديرەكتورى نۇرلان قابيشتاەۆ باستاعان دەلەگاتسيا ورگەباس اۋىلىنىڭ اقساقالدارىن ۇلى جەڭىستىڭ 75 جىلدىعىمەن قۇتتىقتادى.
كاسىپكەرلەر تۇرعىندارعا قارجىلاي جانە گۋمانيتارلىق كومەك كورسەتتى.
«وتاۋ گرۋپپ» جشس پرەزيدەنتى قايرات مولداسەيتوۆ ورگەباس اۋىلىنىڭ تۇرعىندارىن قولداۋعا 12 ميلليون تەڭگە ءبولدى.
«بال تەكستيل» جشس-ءنىڭ ديرەكتورى تالعات يسحاقوۆ 6 ميلليون تەڭگەگە 400 دانا كىلەمىن جەتكىزسە, «AGF Group» توقىما فابريكاسىنىڭ باسشىسى گاۋحار ناسىروۆا 40 كومپلەكت توسەك-ورىن سىيلادى.
«VIZiT» زاۋىتىنىڭ ديرەكتورى ۆيلكيم زلاۆدينوۆ 500 مىڭ تەڭگەگە سۋسىندار جىبەردى.
ىسكەر ايەلدەر كەڭەسىنىڭ توراعاسى الما ارحاباەۆا باستاعان ىسكەر ايەلدەر ازىق-ت ۇلىك, كيىم-كەشەك, گيگيەنا قۇرالدارى مەن قاجەتتى زاتتار, سونىڭ ىشىندە بالالارعا ارنالعان گۋمانيتارلىق كومەك جونەلتتى. ال «كارلسكرون» جشس ديرەكتورى ءۋاليحان احمەتوۆ پەن «مەگا سمارتتان» سەرگەي حەگاي جۇكتەردى تاسىمالداۋ ءۇشىن جۇك كولىكتەرىمەن قامتاماسىز ەتتى.
حاديشا الجانوۆا توراعالىق ەتەتىن «دامۋ» فارماتسەۆتيكالىق ۇيىمدار قاۋىمداستىعى, رۋستام سۋحوۆ باسقاراتىن «ەۆروكريستالل» اينەك زاۋىتى جانە «تەلەكوم ساۋدا» جشس ديرەكتورى نۇرجان مامىتوۆ تا كومەكتەرىن جىبەردى.
- بۇل وقيعا ەشكىمدى بەي-جاي قالدىرمادى. شىمكەنت قالاسىنىڭ بيزنەس قاۋىمداستىعى ماقتاارال اۋدانىندا قايعىلى وقيعا بولعان ساتتەن كومەكتەسۋدى قولعا الدى. شىمكەنت قالاسىنىڭ كاسىپكەرلەر پالاتاسى زارداپ شەككەندەردىڭ قورىنا قاراجات اۋداردى. كاسىپكەرلەرىمىز قولما-قول اقشا, ازىق-ت ۇلىك جانە نەگىزگى قاجەتتىلىكتەرمەن قامتاماسىز ەتۋدى جالعاستىرۋدا, - دەپ اتاپ ءوتتى ورگەباس اۋىلىندا وتكەن كەزدەسۋدە كاسىپكەرلەر پالاتاسىنىڭ ديرەكتورى نۇرلان قابىشتاەۆ.
