ۆيرۋستىڭ تارالۋ قاۋپىنىڭ ساقتالۋىنا بايلانىستى حالىققا قىزمەت كورسەتۋ ورتالىقتارىنىڭ جۇمىس ءتارتىبىن وزگەرتۋ تۋرالى شەشىم قابىلدانعان بولاتىن.
وزگەرىستەر حقو-دا كورسەتىلەتىن مەملەكەتتىك قىزمەت تۇرلەرىنە عانا ەمەس, ولاردى ۇسىنۋ فورماتىنا دا قاتىستى بولادى. ولار:
الماتىلىقتار حقو-عا ەلەكتروندى فورماتتا قولجەتىمسىز, تەك «قاعاز» جۇزىندە كورسەتىلەتىن قىزمەتتەر (مىسالى, جەكە كۋالىكتى, تولقۇجاتتى اۋىستىرۋ, زەينەتاقى تولەمدەرىن تاعايىنداۋ), مەن egov.kz ارقىلى راسىمدەلگەن وتىنىشتەردىڭ ناتيجەسىن الۋ ءۇشىن عانا كەلە الادى.
ەكىنشىدەن, ەندى حقو-عا بارۋ ءۇشىن 1414 بايلانىس ورتالىعى نەمەسە نەمەسە egov.kz سايتىنداعى ارنايى سەرۆيس ارقىلى كەزەك ۋاقىتىن الدىنا الا برونداۋ قاجەت بولادى.
ازاماتتار ەلەكتروندى فورماتقا اۋدارىلعان جانە egov.kz پورتالىندا قولجەتىمدى بارلىق مەملەكەتتىك قىزمەتتىڭ 80%-دان استامىن بۇرىنعىداي حقو عيماراتتارىندا ەمەس, تەك وزدىگىنەن نەمەسە اكىمدىكتەر جانىنداعى كەڭسەلەردە, وقۋ ورىندارىندا, مەديتسينالىق ۇيىمداردا جانە ت.ب. جەردە ورنالاستىرىلاتىن وزىنە-ءوزى قىزمەت كورسەتۋ سەكتورلارىندا الا الادى.
سونىمەن قاتار بۇرىنعىداي ەسق-لار حقو-دا بەرىلمەيدى, تەك eGov.kz پورتالى ارقىلى الىنادى.
مەملەكەتتىك قىزمەت كورسەتۋدىڭ جاڭا فورماتىنا كوشۋ بويىنشا قانداي دايىندىق جۇمىستارى جۇرگىزىلدى:
بىرقاتار فرونت-وفيستەر جاڭا فورماتقا لايىقتالىپ قايتا جاڭارتىلدى. ولاردا كولل-ورتالىق جانە بەينەقوڭىراۋلار قابىلداۋ ورتالىقتارى ورنالاستىرىلىپ, قايتا جابدىقتالدى. ولار: الاتاۋ اۋدانىنىڭ №1 ءبولىمى (نۇركەنت ش/ا.5/17) اۋەزوۆ اۋدانى (جاندوسوۆ كوشەسى, 51), بوستاندىق اۋدانى (الماگۇل ش/ا, حوجانوۆ كوشەسى, 9), ناۋرىزباي اۋدانى (شۇعىلا ش/ا. 222/5) مەدەۋ اۋدانى (ماركوۆ ك-ءسى, 44), تۇركسىب اۋدانى (ريحارد زورگە ك-ءسى, 9-ءۇي) جانە № 1 مامانداندىرىلعان حقكو (سايالى ش/ا., اققاينار كوشەسى, 1)
بارلىعى 169 جۇمىس ورنى ۇيىمداستىرىلدى, 50 كولل ورتالىق, 119 بەينەقوڭىراۋ قابىلداۋ وپەراتورلارى جۇمىس ىستەيدى.
ەلەكتروندىق مەملەكەتتىك قىزمەتتەردى ۇيدەن شىقپاي الۋ مۇمكىندىگى جوق ازاماتتار ءۇشىن 48 جۇمىس ورنىنا وپەراتورسىز 2 تسيفرلىق حقكو ۇيىمداستىرىلدى. وندا كورسەتىلەتىن قىزمەتتى الۋشىلارعا پورتالعا تەگىن نەگىزدە كىرۋ مۇمكىندىگىمەن ۇيىمداستىرۋ تەحنيكاسى (جەكە كومپيۋتەرلەرمەن, ۆەب-كامەرالارمەن جانە قوسالقى قۇرالدارمەن جابدىقتالعان) ۇسىنىلاتىن بولادى.
ولار – المالى اۋدانىنىڭ №1 فرونت-ءوفيسى ء(سۇيىنباي داڭعىلى 2, 4 كورپۋس) جانە الاتاۋ اۋدانىنىڭ №2 فرونت-ءوفيسى. (ايگەرىم ش/ا., ۆ. بەنبەرين كوشەسى, 89).
بولىمدەر قاجەتتى ورگتەحنيكالارمەن, دەربەس كومپيۋتەرلەرمەن, ۆەب-كامەرالارمەن, سيپ-تەلەفوندارمەن جانە جۇمىستى ۇيىمداستىرۋ ءۇشىن قاجەتتى قۇرال-سايماندارمەن جابدىقتالدى.
بولىمدەردە جينالۋدى جانە تازالىق-ەپيدەميولوگيالىق رەجيمدى ساقتاۋ ماقساتىندا قىزمەت الۋشىلار اراسىنداعى قاشىقتىقتى ساقتاۋ ءۇشىن عيمارات كىرەبەرىسىنە تاڭبالار سىزىپ قويىلدى.
حقو-دان تىس جەرلەردە وزىنە ءوزى قىزمەت كورسەتۋ سەكتورلارلارى ۇيىمداستىرىلۋدا. ولار اكىمدىكتەر جانىنداعى كەڭسەلەردە, وقۋ ورىندارىندا, ەكىنشى دەڭگەيدەگى بانكتەردە, جۇمىسپەن قامتۋ جانە الەۋمەتتىك باعدارلامالار, «نۇر وتان» پارتياسى كەڭسەلەرىندە, 8 ساۋدا ورتالىقتارىندا, اۆتوسالونداردا, مەديتسينالىق ۇيىمداردا, جانە «Car city», «نۇر-ءسات» سياقتى بازارلاردا.
حقو-لاردا جەڭىلدىك تەرەزەلەرى جۇمىس ىستەيدى. وندا ازاماتتاردىڭ ءۇش ساناتى ەلەكتروندى قىزمەت الا الادى. بۇل – زەينەتكەرلەر, كوپ بالالى وتباسىلار, مۇمكىندىگى شەكتەۋلى ادامدار. ولار دا حقو-عا كەلمەس بۇرىن كەزەگىن الدىن الا برونداۋ قاجەت, الايدا ولار جەكە كەزەك بويىنشا وتەدى.
ال ەلەكتروندى فورماتتا قول جەتىمدى ەمەس «قاعاز» قىزمەتتەردىڭ كليەنتتەرى ءۇشىن (مىسالى, جەكە كۋالىكتى, پاسپورتتى اۋىستىرۋ, زەينەتاقى تولەمدەرىن تاعايىنداۋ), سونداي-اق egov.kz پورتالىندا الدىن الا رەسىمدەلگەن قىزمەتتەردىڭ ناتيجەلەرىن الۋ ءۇشىن, قالاداعى بارلىق حقو-لارعا جانە بارلىق مامانداندىرىلعان اۆتوحقو-لارعا, مىندەتتى تۇردە الدىن-الا ونلاين برون جاساپ, كەزەكتى بەلگىلەگەن ۋاقىتقا كەلۋ كەرەك.
«قالا تۇرعىندارىنا ايتارىمىز, مەملەكەتتىك قىزمەتتەردى ەلەكتروندىق فورماتتا الىڭىزدار. پورتالدا راسىمدەۋگە بولاتىن بارلىق قىزمەتتى ونلاين تاسىلمەن راسىمدەڭىز. ەگەر قيىندىق تۋىپ جاتسا, 1414 نومىرىنە تەلەفون شالۋعا بولادى. ءبىزدىڭ حقو وپەراتورلارى كەڭەس بەرىپ كومەكتەسەدى. سونىمەن قاتار, ازاماتتار بروندا بەلگىلەنگەن ۋاقىتتا كەلۋى ءتيىس. ەگەر بەلگىلەنگەن ۋاقىتى ءوتىپ كەتكەن بولسا, قايتادان برون جاساۋىنا تۋرا كەلەدى. سونىمەن قاتار, بروندى جسن-ى رەسىمدەلگەن ازامات عانا پايدالانا الاتىنىن ەسكەرگەندەرى ءجون. حقو-دا قىزمەت الدىن الا برونداۋسىز كورسەتىلمەيتىنىن تاعى دا اتاپ وتكىم كەلەدى. بۇل ازاماتتاردىڭ حقو-دا كوپتەپ جينالۋىن بولدىرمايدى جانە ۆيرۋستى جۇقتىرۋ قاۋپىن جويادى, قىزمەت الۋشىلار دا ءوز ۋاقىتىن ۇنەمدەيدى» – دەيدى «ازاماتتارعا ارنالعان ۇكىمەت» مك كەاق الماتى قالاسى فيليالىنىڭ ديرەكتورى دانيار قىرىقباەۆ.
