ەلباسىنىڭ تاپسىرماسىنا سايكەس 2030 جىلعا دەيىن ەل ەكونوميكاسىنداعى شاعىن جانە ورتا بيزنەس كورسەتكىشتەرى ەكى ەسە ۇلعايتىلۋعا ءتيىس. وسى ورايدا ءىرى يندۋستريا وشاعى بولۋمەن قاتار كاسىپكەرلىك قوزعالىستىڭ دا كەڭ دامۋىنا قولايلى ورتا سانالاتىن ءوندىرىستى وڭىردەگى ەلەۋلى قۇبىلىستار كوزگە تۇسەرلىكتەي. قازاقستان رەسپۋبليكاسى پارلامەنتى سەناتى ەكونوميكالىق دامۋ جانە كاسىپكەرلىك كوميتەتىنىڭ كوشپەلى وتىرىسىنىڭ قاراعاندىدا ءوتۋى وسىعان بايلانىستى بولدى.
ەلباسىنىڭ تاپسىرماسىنا سايكەس 2030 جىلعا دەيىن ەل ەكونوميكاسىنداعى شاعىن جانە ورتا بيزنەس كورسەتكىشتەرى ەكى ەسە ۇلعايتىلۋعا ءتيىس. وسى ورايدا ءىرى يندۋستريا وشاعى بولۋمەن قاتار كاسىپكەرلىك قوزعالىستىڭ دا كەڭ دامۋىنا قولايلى ورتا سانالاتىن ءوندىرىستى وڭىردەگى ەلەۋلى قۇبىلىستار كوزگە تۇسەرلىكتەي. قازاقستان رەسپۋبليكاسى پارلامەنتى سەناتى ەكونوميكالىق دامۋ جانە كاسىپكەرلىك كوميتەتىنىڭ كوشپەلى وتىرىسىنىڭ قاراعاندىدا ءوتۋى وسىعان بايلانىستى بولدى.
اتالعان كوميتەتتىڭ ءتوراعاسى تالعاتبەك ابايدىلدين قاتىسۋشىلار الدىندا ورتاعا سالعانداي, ايماقتا «بيزنەستىڭ جول كارتاسى-2020» باعدارلاماسى اياسىندا شاعىن جانە ورتا بيزنەس بەلسەندى دامىپ كەلەدى. ىرگەلى كاسىپورىنداردىڭ توڭىرەگىندە شاعىن وندىرىستەر جەلىسى قۇرىلۋدا. ولار قارجىلاندىرۋ مەن وزىق تەحنولوگيانى ەنگىزۋگە كومەكتەسىپ وتىر. كاسىپكەرلەردىڭ ەكونوميكالىق پايدالارى مەن مەملەكەتتىڭ ماڭىزدى الەۋمەتتىك ماسەلەلەرى, ازاماتتاردى جاڭا جۇمىس ورىندارىمەن قامتاماسىز ەتۋ اراسىندا وڭتايلى تەپە-تەڭدىك قالىپتاستى.
وبلىس اكىمى باۋىرجان ابدىشەۆ سەناتورلارعا ءوڭىردىڭ الەۋمەتتىك-ەكونوميكالىق جاعدايى, مەملەكەتتىك باعدارلامالاردى ءىسكە اسىرۋ تۋرالى اڭگىمەلەدى. قازاقستانداعى كاسىپكەرلىكتىڭ دامۋىنىڭ ساتىلارىن زاڭنامالىق تۇرعىدا قامتاماسىز ەتۋ جونىندە ەكونوميكالىق دامۋ جانە كاسىپكەرلىك كوميتەتىنىڭ حاتشىسى ءسارسەنباي ەڭسەگەنوۆ بايانداما جاسادى.بيزنەس وكىلدەرى ءوز تاراپتارىنان كاسىپكەرلىك قىزمەتتە قۇقىقتىق قاتىناستاردى رەتتەيتىن نورماتيۆتىك-قۇقىقتىق اكتىلەردەگى ولقىلىقتاردى ايتا كەلىپ, ونى شەشۋدىڭ توتە نۇسقالارىن ۇسىندى.
وبلىسقا ساپار بارىسىندا سەناتورلار, سونداي-اق, تەمىرتاۋ قالاسىنداعى الەۋمەتتىك نىسانداردى ارالاپ كورىپ, وساكاروۆ اۋدانىنداعى ەگىن وراعىمەن تانىستى.
پارتيانىڭ ساياسي دوكتريناسى تالقىلاندى
«نۇر وتان» حدپ بالقاش قالالىق فيليالىنىڭ كەزەكتەن تىس ءحىى كونفەرەنتسياسىندا ەلباسىنىڭ «قازاقستان-2050» ستراتەگياسى تالاپتارىنان تۋىندايتىن جاڭا مىندەتتەر» جانە «نۇر وتان» «نۇرلى بولاشاق جولىندا» اتتى پارتيانىڭ ساياسي دوكتريناسىنىڭ جوباسى تالقىلاندى. ءسوز الۋشىلار اتالعان ماسەلەلەر بويىنشا اتقارىلۋداعى ءىس-شارالاردى سارالاپ, باستاۋىش ۇيىمدار بەلسەندىلىگىن ارتتىرۋ مەن ولاردىڭ جۇمىسىن بارىنشا ءتيىمدى جۇرگىزۋدى, قالانىڭ الەۋمەتتىك-ەكونوميكالىق دامۋىن قامتاماسىز ەتۋدى تالدادى.
كونفەرەنتسيادا «نۇر وتان» حدپ ساياسي كەڭەسىنىڭ مۇشەسى, قر پارلامەنتى سەناتىنىڭ دەپۋتاتى ەرلان نىعماتۋلين بايانداما جاساپ, پارتيانىڭ ۇسىنىپ وتىرعان ساياسي دوكتريناسىنىڭ ماڭىزى, وندا كورسەتىلگەن جالپى قوعامدىق وركەندەۋدىڭ 7 باعىتىنىڭ تۇجىرىمداسى تۋرالى تۇسىنىك بەردى.
جەتىمدەرگە قامقورلىق
قىركۇيەكتىڭ ەكىنشى ونكۇندىگى ايماقتاعى بالالار ۇيلەرى تاربيەلەنۋشىلەرى ءۇشىن ەستە قالارلىقتاي بولدى. وبلىس باسشىلىعى ولار تۇرىپ جاتقان «ق ۇلىنشاق», اسەم», «تاڭشولپان», «ءۇمىت» ورتالىقتارىنا بارىپ, تۇرمىس جاعدايلارىمەن تىكەلەي تانىستى. كەزدەسۋلەردە اتا-انا شۋاعىنسىز قالعان جالعىزىلىكتى جاسوسپىرىمدەر مەملەكەتتىك قامقورلىققا ريزالىقتارىن ءبىلدىردى. سونىڭ ارقاسىندا ارناۋلى جاتاقحاناعا ورنالاسىپ, بىلىمدەرىن تەرەڭدەتۋگە, ماماندىق مەڭگەرۋگە مۇمكىندىك العان اكادەميك ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ, «بولاشاق» ۋنيۆەرسيتەتىنىڭ, پوليتەحنيكالىق كوللەدجىنىڭ ستۋدەنتتەرى يرينا بوريسوۆا, زەكەن قوجامەرديەۆا, ەۆگەني ميحايلوۆ سياقتى تالاپتارى تاۋداي جاستار از ەمەس. «تاڭشولپاننىڭ» 14 تۇلەگى اگروتەحنيكالىق كوللەدجگە وقۋعا قابىلدانىپ, كوكونىس كۇتىپ-باپتاۋدىڭ قىر-سىرلارىن يگەرۋدە.
وزدەرىندەي كومەك-قولداۋعا تىلەۋشىلەرگە جاسوسپىرىمدەر جانە وتباسىن قۇرۋشىلارعا تۇرعىن ۇيلەر سالۋ جالعاساتىندىعى تۋرالى حابار قۋانىشپەن قابىلداندى.
جاڭادان سايلانعان اكىمدەر باس قوستى
بالامالى نەگىزدەگى سايلاۋ ارقىلى جەرگىلىكتى ءماسليحاتتار دەپۋتاتتارى سەنىم كورسەتىپ, قىزمەتتەرىنە كىرىسكەن وبلىستىڭ اۋىلدارى مەن كەنتتەرىنىڭ 202 اكىمى ءتورت كوزى تۇگەل ۇلكەن جيىنعا قاتىستى. مۇنىڭ الدىندا ءبارى ءۇش كۇندىك سەميناردا باسقارۋدىڭ جاڭا جۇيەلەرىمەن, وزگەرتىلىپ, تولىقتىرىلعان زاڭنامالارمەن تانىستى. حالىقپەن تىكەلەي جۇمىس ىستەۋدەگى كاسىبي دەڭگەيدى كوتەرۋ تالابى تالداندى. وقۋدان سوڭ تەستىك ەمتيحان تاپسىرىلدى.
جيىندا ءسوز الۋشىلار جۇمىستاعى ىزدەنىستەر مەن وزگەرىستەر تۋرالى ايتىپ, ونى جەتىلدىرۋ جولىندا ءوز ويلارىن ورتاعا سالدى. وبلىس پروكۋرورى اسقار سەكىشەۆ پەن ىشكى ىستەر دەپارتامەنتىنىڭ باستىعى مەرگەنباي جاپپاروۆ ءوز كەزەگىندە جەرگىلىكتى ءوزىن ءوزى باسقارۋ تۇجىرىمداماسىنا سايكەس نورماتيۆتىك قۇقىقتىق ەرەجەلەرىن كەڭىنەن اڭگىمەلەپ بەردى. اۋىل اكىمدەرى وكىلەتتىكتەرىنىڭ كەڭەيۋىنە بايلانىستى ونى ىسكە اسىرۋدىڭ ناقتى ءىس-شارالار جوسپارى پىسىقتالدى.
ايقىن نەسىپباي,
«ەگەمەن قازاقستان».
قاراعاندى.
