فيلم ميلليونداعان كەڭەستىك ادامدار قاتىسقان ەپيكالىق شايقاستار اياسىنداعى ادامنىڭ تاعدىرى تۋرالى اڭگىمەلەيدى. كارتينانىڭ ءتۇسىرىلىمى نۇر-سۇلتان, الماتى قالالارى جانە نۇركەن ءابدىروۆتىڭ تۋعان جەرى قاراعاندى وبلىسىندا ءوتتى. اسىرەسە, قاراعاندىداعى وبلىستىق مەملەكەتتىك مۇراعات قورىندا ساقتالعان ماتەريالداردى زەردەلەۋگە باسا نازار اۋدارىلدى.
– ۇلى وتان سوعىسى جىلدارى – حالقىمىزدىڭ جەڭىسى مەن قايعىلى كەزەڭى. ءولىم, قايعى, قاسىرەت پەن ءۇمىتسىز قاراڭعىلىق مايدان دالاسىن شارلاپ, اسپاندى جاۋىپ تۇردى. بىراق وزدەرىڭىز بىلەتىندەي, قاراڭعىدا جۇلدىزدار ەرەكشە جارقىرايدى. قازاق جەرى وسىنداي كوپتەگەن جۇلدىزدى, كەڭەس وداعىنىڭ بولاشاق باتىرلارىن دۇنيەگە اكەلدى. سونىڭ بىرەگەيى – نۇركەن ءابدىروۆ. باتىردىڭ ونەگەلى ءومىرى كەلەشەك ۇرپاققا تاعىلىم بولۋى ءتيىس, – دەدى فيلم رەجيسسەرى الەكسەي كامەنسكي.
