سۋرەتتەردى تۇسىرگەن نۇربەك يحسان
ۇلى جەڭىس كۇنى اۋىلدا تۇراتىن 94 جاستاعى قاريانى اقجايىق اۋدانىنىڭ اكىمى قاليار ايتمۇحامبەتوۆ ارنايى كەلىپ قۇتتىقتاپ, اقساقالعا پرەزيدەنت قاسىم-جومارت توقاەۆتىڭ, وبلىس اكىمى عالي ەسقاليەۆتىڭ جانە ءوزىنىڭ اتىنان العىس حاتتار مەن ەستەلىك سىيلىقتار تابىستادى. باتىس قازاقستان ولبلىسىنىڭ اكىمى عالي ناجىمەدەن ۇلى ارداگەردى بەينە بايلانىس ارقىلى ونلاين قۇتتىقتاپ, دەنىنە ساۋلىق, وتباسىنا اماندىق تىلەدى.
ارداگەرگە كۇتپەگەن سىيلىقتى ىلبىشىندىك جەتى كاسىپكەر جاسادى. زايدوك وتەعاليەۆ, ەسەي قالەنتاەۆ, امانقۇل باتىرعاليەۆ, سامات مۇقانوۆ, ايتقانىم قابانوۆا, اقىلبەك ساگيتوۆ جانە تىلەگەن وتەمىسوۆ اقجايىق اۋدانى بويىنشا ءتىرى جۇرگەن جالعىز مايدانگەرگە «لادا گرانتا» اۆتوكولىگىن الىپ بەردى.
سۇپىعالي ەسىموۆ مايدانعا 1944 جىلدىڭ قاراشا ايىندا الىنعان ەكەن. وقۋ-جاتتىعۋ جيىنىنان وتكەن سوڭ ءى ۋكراينا مايدانىندا 1170 اتقىشتار پولكىندە پۋلەمەتشى, بولىمشە كومانديرى بولىپ, جاۋعا قارسى جان ايانباي سوعىسقان. سوعىستان كەيىن دە ەستونياداعى قۇپيا اتوم زاۋىتىندا قىزمەت ەتىپ, 3278 اسكەري بولىمدە كوماندير بولعان. ەلگە تەك 1955 جىلى ورالىپتى.
- ءبىزدىڭ اقجايىق اۋدانىنان سوعىسقا 11 مىڭنان استام جاۋىنگەر اتتانعان ەكەن. سونىڭ 5 مىڭنان استامى جاۋ قولىنان قازا تاپتى. سۇراپىل سوعىس جالىنى شارپىماعان شاڭىراق جوق. سۇپىعالي اتامىز – اۋدانىمىزدا سوعىس وتىن كورگەن سوڭعى ارداگەر ەدى. مايدانگەردى قۇرمەتتەپ, بۇگىنگى زاماننىڭ اتىن مىنگىزگەن كاسىپكەرلەرگە العىس ايتامىن. ەلدىڭ وركەندەۋى, كاسىپكەرلىكتىڭ دامۋى, اۋىل ازاماتتارىنىڭ باقۋاتتى تىرلىگى – ءدال وسى بەيبىتشىلىكتىڭ, بىزگە بەيبىت كۇن سىيلاعان ارداگەرلەردىڭ ارقاسى, - دەيدى اۋدان اكىمى قاليار شاديار ۇلى.
اقجايىق اۋدانى – جالىندى اقىن, ۇلى وتان سوعىسىنىڭ ارداگەرى, مايدان ءتىلشىسى جۇبان مولداعاليەۆتىڭ تۋعان جەرى. بيىل اۋداندا مەرەيتويلىق شارالار كەڭ كولەمدە ءوتۋى جوسپارلانعان بولاتىن. كارانتيننىڭ كەسىرىنەن كوپ شارالار كەيىنگە ىسىرىلىپ تۇر. دەگەنمەن, بۇگىنگى جەڭىس كۇنى ازامات اقىنىنڭ چاپاەۆ اۋىلىنداعى ەسكەرتكىشى دە گۇلمەن كومكەرىلدى.
باتىس قازاقستان
