كەڭەس وداعىنىڭ باتىرى سەرىكباي مۇتكەنوۆ 1913 جىلى اقتوعاي اۋدانىندا دۇنيەگە كەلگەن. قازىر اۋدانداعى ءبىر اۋىل باتىردىڭ ەسىمىمەن اتالادى. سەرىكباي مۇتكەنوۆ پاۆلودار پەداگوگيكالىق ۋچيليششەسىندەگى وقۋىن اياقتاعاننان كەيىن, جامبىل, كەڭەس, وكتيابر اۋىلدارىندا مۇعالىم بولىپ قىزمەت اتقاردى.
1942 جىلى سوعىسقا اتانادى. كوماندير-ارتيللەريستەر مەكتەبىن بىتىرگەننەن كەيىن, اعا سەرجانت سەرىكباي مۇتكەنوۆ 316–شى اتقىشتار ديۆيزياسى, 342-ءشى اتقىشتار پولكىنىڭ باتارەيا كومانديرى بولادى. مايدانگەر 1944 جىلى قاڭتار ايىندا چەركاسسك وبلىسى زۆەنيگوروسك اۋدانىنىڭ ريزينو اۋىلىندا ەرلىكپەن قازا تاپتى.
اۋدان ورتالىعى باياناۋىل اۋىلىندا ەكىنشى دۇنيەجۇزىلىك سوعىسقا قاتىسۋشى, «داڭق» وردەنىنىڭ تولىق كاۆالەرلەرى باقىت قايداروۆ پەن ۆاسيلي حريستەنكوعا, وسى اۋداننىڭ بىرلىك اۋىلىندا پارتيزان جىلبەك اعادىلوۆكە بيۋست ورناتۋ بويىنشا جۇمىستار جۇرگىزىلۋدە.
باياناۋىلدىق زەينەتكەر ازامات ءامىروۆ جاڭاتىلەك اۋىلىنىڭ تۋماسى باقىت قايداروۆ تۋرالى كىتاپ جازۋدا. باقىت قايداروۆ كەنينسبەرگ تۇبىندە قايتىس بولعان. ەرلىگى ءۇشىن «داڭق» وردەنىمەن ءۇش رەت ماراپاتتالعان.
باتىر تۋرالى اقپارات الۋ ءۇشىن ماسكەۋ, لەنينگراد وبلىستارىنىڭ مەملەكەتتىك مۇراعاتىنا حات جازدىم. مەكتەپ اۋلاسىندا كاسىپكەرلەردىڭ قولداۋىمەن ەسكەرتكىش اشتىق, - دەيدى زەينەتكەر.
ءادي ءشارىپوۆتىڭ «پارتيزان قىزى» كىتابىنداعى كىشكەنتاي قىز مايانىڭ اكە-شەشەسى جىلبەك پەن جامال اقادىلوۆتار دا باياناۋىلدىڭ بىرلىك اۋىلىندا دۇنيەگە كەلگەن.
جىلبەك شىمكەنتتەگى قاپلانبەك اۋىلشارۋاشىلىق تەحنيكۋمىن ءبىتىرىپ, سارىاعاشقا جىبەرىلەدى. كۋشكا قالاسىندا جاساقتالعان 152 اتتى اسكەر قاتارىنا الىنادى. وفيتسەر جىلبەك سۇيگەن جارى جامالمەن بىرگە بەلورۋسسياعا اتتانادى. كەنەتتەن سوعىس باستالدى.
بەلورۋس ورماندارى پارتيزاندار ورتاسىندا مايا 1941 جىلدىڭ 27 قاراشاسىندا ورماندا ومىرگە كەلەدى.
جىلبەك اقادىلوۆ رۋمىنيا, ۆەنگريا, چەحوسلوۆاكيا, اۆستريا جەرلەرىن جاۋدان ازات ەتۋگە قاتىسادى. سوعىستان كەيىن اقادىلوۆتەر وتباسى, جىلبەك اتا قارجى سالاسىندا, جامال اپا تىگىنشى, ال, قىزدارى «پارتيزان قىزى» مايا ۇستاز بولىپ قىزمەت ەتتى. اقادىلوۆتاردىڭ سوعىس كەزىندەگى جاۋىنگەرلىك جولدارى ۇمىتىلماستاي ترايحتا, كىتاپتا قالدى, كينوفيلم دە بار.
6-مامىر كۇنى وبلىس ورتالىعىندا «جەڭىمپازدار» كىتابى جارىق كوردى. كىتاپتا سوعىسقا قاتىسقان جانە تىلدا ەڭبەك ەتكەن پاۆلودارلىقتاردىڭ ەرلىگى, جەڭىسكە قوسقان ۇلەستەرى جايىندا بايانادالعان.
پاۆلودار وبلىسى
