ال اسكەري دايىندىقتان جەدەل وتكىسى كەلەتىندەر 40 كۇندىك اقىلى نەگىزدەگى قىزمەتتى پايدالانا الادى. بىلتىر 240 ازامات قىسقا مەرزىمدى اسكەردەن ءوتتى. بيىل ەلىمىزدە توتەنشە جاعداي رەجيمىنىڭ ەنگىزىلۋىنە بايلانىستى كوكتەمگى اسكەرگە شاقىرۋ وتكىزىلمەدى.
وڭىردەن اسكەرگە اتتاناتىن 511 سارباز دايىندالعان. جالپى وڭىردە اسكەرگە بارۋ شاراسى تولىق ورىندالۋدا.
توتەنشە جاعداي كەزىندە دەزينفەكتسيالىق شارالارعا ءوڭىردىڭ 100 ساربازى قاتىستى. دەپارتامەنت مالىمەتىنشە, وڭىردە اۋىل-قالا جاستارىنىڭ كوبى اسكەر قاتارىنا بارۋدى ازاماتتىق بورىش, وتان الدىنداعى پارىزى دەپ تۇسىنەدى.
قازىرگى جاستار اسكەر قاتارىنا بارۋعا سانالى تۇردە شەشىم قابىلدايدى. ۇلتتىق قاۋىپسىزدىك كوميتەتىنىڭ شەكارا قىزمەتىنە, قارۋلى كۇشتەر قۇرامىنا, ىشكى ىستەر مينيسترلىگىنە قاراستى ۇلتتىق ۇلان قاتارىندا قىزمەت ەتۋگە دەگەن قىزىعۋشىلىقتارى, قۇشتارلىقتارى باسىم.
اسكەري بولىمدەردى اۋماقتىق ەرەكشەلىك بويىنشا جاساقتايدى. جاساقتالعان سوڭ ساربازدار ۇلتتىق قاۋىپسىزدىك كوميتەتىنىڭ شەكارا قىزمەتىنە, قارۋلى كۇشتەر قۇرامىنا, ىشكى ىستەر مينيسترلىگىنە قاراستى ۇلتتىق ۇلانعا قىزمەت ەتۋگە جىبەرىلەدى.
اسكەرگە شاقىرىلعاندار مەديتسينالىق تەكسەرىستەن وتەدى. سوتتالماعان بولۋى ءتيىس. سونىمەن قاتار, اسكەرگە شاقىرىلعانعا دەيىن العان ماماندىعى ەسكەرىلەدى.
ال قارۋلى كۇشتەر قۇرامىنداعى دەسانتتىق جانە ارنايى جاساق قىزمەتتەرىنە باراتىنداردىڭ بويى 180 سانتيمەتردەن بيىك بولۋى كەرەك. ولار مىندەتتى تۇردە سپورتپەن شۇعىلدانعان, سونىڭ ىشىندە قويان-قولتىق ۇرىس تۇرىمەن اينالىسقان بولۋى قاجەت.
پاۆلودار
