باتىرلار اللەياسىندا العاشقى تاقتالار وتكەن عاسىردىڭ 80-ءشى جىلدارى ورناتىلعان بولاتىن. ول كەزدە قاراعاندى وبلىسىنان شىققان كەڭەستەر وداعىنىڭ 20 باتىرىنىڭ عانا ەسىمى تاسقا قاشىلىپتى. ەندى, بۇل ىسكە تۇزەتۋ ەنگىزىلىپ, ۇلى جەڭىستىڭ 75 جىلدىعىنا وراي «ماڭگىلىك الاۋدىڭ» جاۋىنگەرلىك داڭق مەموريالدىق انسامبلىنە بىرىككەن قاراعاندى جانە جەزقازعان وبلىستارىنىڭ بارلىق باتىرلارىنىڭ ەسىمدەرى قولا تاقتالارعا تولىق ەتىپ جازىلدى.
جاڭا ەسكەرتكىش تۇعىرلار بۇرىن ورناتىلعان گرانيت تاستارعا ۇقساس ەتىپ ىستەلىنگەن. ولاردى سۋرەتشىلەر وداعى وبلىستىق فيليالىنىڭ شەبەرلەرى ەكى ايدىڭ ىشىندە جاساپ شىعارعان.
جالپى, ۇلى وتان سوعىسىنا قاراعاندى وبلىسىنان بارلىعى 45 مىڭعا جۋىق ادام اتتانىپتى. مايدان دالاسىندا سونىڭ 18 مىڭى قازا تاپقان. ال بۇگىنگى كۇندە وبلىستا ۇلى وتان سوعىسىنىڭ 64 ارداگەرى اماندىقتا-ساۋلىقتا تۇرىپ جاتىر.
