تۇتاستاي العاندا وڭىردەگى ءىرى ونەركاسىپتىك كاسىپورىندار قىزمەتىندە ايتا قالارلىقتاي كىدىرىس بولماعانىمەن وسى ارالىقتا شاعىن جانە ورتاشا بيزنەستىڭ ءورىسى مۇلدەم تارىلىپ كەتكەنى ءمالىم. بيۋدجەت تاپشىلىعىنىڭ باستى ءبىر سەبەبىن وسى ارادان ىزدەگەنىمىز ورىندى سەكىلدى.
- ارينە بۇل جاعداي جاقسى قۇبىلىس ەمەس. ايتسە دە مۇنداي كورىنىس بۇعان دەيىن الىنعان بيۋدجەتتىك مىندەتتەمەگە كولەڭكەسىن تۇسىرە المايدى. قازىرگى كۇنى قولعا الىنعان داعدارىسقا قارسى شارالار شوعىرى ۋاقىتشا قالىپتاسقان جاعدايدى وڭ جاققاقاراي بۇرۋعا سەپتىگىن تيگىزۋگە ءتيىس دەپ سانايمىن دەدى بۇل جونىندە گازەت تىلشىسىنە اقتوبە وبلىسى اكىمىنىڭ ەكونوميكا جانە قارجى ماسەلەلەرى جونىندە ورىنباسارى رۋسلان قامباروۆ.
بۇگىنگى كۇنى وبلىستا پاندەميا سالدارىنان وڭىردەگى بيزنەس سۋبەكتىلەرىن كەزەڭ-كەزەڭمەن قىزمەتتەرىنە قايتا كىرىستىرۋ جونىندەگى جۇمىستار مارەگە تاياپ كەلەدى. ايتالىق ايماقتا كارانتين رەجيمىن جەڭىلدەتۋ تۋرالى پرەزيدەنت تاپسىرماسىنا سايكەس ونىڭ ءبىرىنشى جانە ەكىنشى كەزەڭدەرىندە 10 مىڭعا جۋىق كاسىپورىن ءوز جۇمىسىن باستاپ, جالپى سانى وتىز مىڭنان استام ادام جۇمىسقا قوسىلدى. بۇعان قوسا تىزىمگە ەنگىزىلگەن سۋبەكتىلەردەن بولەك جوبالاۋ كومپانيالارى, سونداي-اق جىلجىمايتىن م ۇلىك وپەراتسيالارىمەن اينالىستاىن مەكەمەلەر دە ءوز قىزمەتتەرىنە كىرىستى. ال قازىرگى كۇنى باستالىپ وتىرعان ءۇشىنشى كەزەڭدە شاعىن جانە ورتاشا بيزنەس سۋبەكتىلەرى قىزمەتكە تولىقتاي كىرىسىدە دەگەن جوسپار بار.
بۇل رەتتە جوعارىدا كورسەتىلگەن ساناتتارداعى قىزمەت تۇرلەرىنە دەگەن سۇرانىستىڭ جوعارى ەكەندىگى ەسكەرىلدى. وڭىردە قۇرىلىس جۇمىستارىنىڭ كىدىرىسسىز جۇرگىزىلۋى, مەملەكەتتىك باعدارلاما بويىنشا جىلجىمايتىن م ۇلىككە قاتىستى قاراستىرىلعان قاراجاتتى نەسيەلەۋ ءىسى وسىنداي وڭتايلى شەشىم قابىلداۋعا نەگىز قالادى دەيدى اقتوبە وبلىستىق كاسىپكەرلەر پالاتاسىنىڭ ديرەكتورى انار دارجانوۆا.
وسى ورايدا وڭىردە داعدارىسقا قارسى ءىس-قيمىل باعدارلاماسىنىڭ باستى قازىعى – جاڭا جۇمىس ورىندارىن اشۋعا ارقا سۇيەيتىنىن ايتقانىمىز ءجون. بۇل رەتتە وبلىستىق بيۋدجەتتەن 46 ميلليارد تەڭگە بولىنگەن. اتالعان قوماقتى قاراجات جىل اياعىنا دەيىن 12 مىڭ جاڭا جۇمىس ورىندارىن قۇرۋعا مۇمكىندىك بەرەدى دەپ كۇتىلۋدە.
اقتوبە وبلىسى
